Lüksemburq Deputatlar Palatasının qəbul etdiyi qərəzli qətnamə Azərbaycana qarşı başladılan qarayaxma kampaniyasının tərkib hissəsidir

"Bu gün Makaron özünü elə aparır ki, sanki biz torpaqlarımızı Ermənistanın deyil də, onun işğalından azad etmişik".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, 44 günlük Vətən müharibəsi zamanı və ondan sonrakı dövrdə Fransa Azərbaycan qarşı açıq-aşkar qarayaxma kampaniyası aparmaqdadır:

"4 ilə yaxın vaxt keçsə də Fransa Azərbaycanın öz gücünə torpaqlarını işğaldan azad edib Dağlıq Qarabağ münaqişəsinə son qoyması ilə barışa bilmir. Məhz buna görə də müxtəlif yalanlarla ölkəmizin hər gün daha da artan nüfuzunu ləkələməyə çalışır. Hətta BMT-nin ən ali və mötəbər tədbirlərindən biri - COP29 günlərində belə. Makaronun ölkəmizə qarşı bitmək bilməyən nifrətinin səbəbi cənab prezident İlham Əliyevin müdrik siyasəti sayəsində Azərbaycanın Fransanın Cənubi Qafqazla bağlı riyakar planlarını məhv etməsidir. Öz ərazi bütövlüyünü və suverenliyini tam bərpa etdikdən sonra Azərbaycanın BMT-nin İqlim Dəyişikliyi üzrə çərçivə Konvensiyasının Tərəflər Konfransının 29-cu sessiyasına (COP29) uğurla ev sahibliyi etməsi, belə bir mötəbər beynəlxalq tədbirin tribunasından cənab prezident İlham Əliyevin qərb dövlətlərinə tutarlı cavab verməsindən sonra Fransanın ölkəmizə qarşı başladığı qarayaxma kampaniyasını daha artırması gözlənilən idi. Hələ COP29 başlamadan öncə müxtəlif yollarla regionda yenidən gərginlik yaratmağa cəhd etdi. Daha sonra ölkəmizdə insan azadlıqlarının məhdudlaşdırıldığını iddia edərək COP29-a gələcək qonaqları fikrindən daşındırmağa çalışdı. Makaronun bütün cəhdlərinə baxmayaraq BMT-nin İqlim Dəyişikliyi üzrə çərçivə Konvensiyasının Tərəflər Konfransının 29-cu sessiyasına (COP29) uğurla ev sahibliyi edərək bir daha ölkəmizin gücünü bütün dünyaya sübut etmiş olduq"

Emil Əkbərov vurğulayıb ki, Lüksemburq Deputatlar Palatası növbəti dəfə qərəzli yanaşma sərgiləyərək
Qarabağda separatçı hərəkətlərə yol verən, Azərbaycan torpaqlarında müxtəlif terror aktlarına imza atan və soydaşlarımızı vəhşicəsinə qətlə yetirən şəxslərin azad olunmasını tələb edən qətnamə heç bir qüvvəsi olmayan kağız parçasından başqa bir şey deyil:

"Həmçinin, "qətnamə"də Azərbaycan Xarici İşlər Nazirliyinin 26 avqust 2024-cü il tarixli qərarı ilə lüksemburqlu deputatlar Oktav Moder və İv Kruxteni də daxil olmaqla AŞPA-nın 76 deputatını "arzuolunmaz şəxs" (persona non grata) elan etməsinə qarşı bənd də salınıb. Tələb də odur ki, rəsmi Bakı bu şəxslərə qarşı tətbiq etdiyi qadağaları götürməlidir. Görünür, fransız dili əsas dil kimi müəyyən etmiş lüksemburqlu təmsilçilər Cənubi Qafqaz regionuna makronsayağı yanaşaraq COP29-un keçirildiyi bir vaxtda Azərbaycana qarşı başladılan qarayaxma kampaniyasına qoşulublar. Fransa anlamalıdır ki, aparılan heç bir qarayaxma kampaniyası, qəbul edilən qətnamələr Azərbaycanı tutduğu haqlı mövqedən və qarşıya qoyulan məqsədlərə çatmaqdan çəkindirə bilməyəcək. Çünki bu gün Azərbaycanın nəyi, necə, nə vaxt etməyi yaxşı bilən cənab prezident İlham Əliyev kimi lideri var".

Telegramda izləyin