"Azərbaycanlıların belə günlərdə həmrəyliyi qoruyub saxlaması xalqımızın mənəvi gücünün göstəricisidir" - DEPUTAT

"Azərbaycanda fəaliyyət göstərən siyasi partiyalar AZAL-ın Bakı–Qroznı reysini yerinə yetirən "Embraer 190" tipli sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar bəyanat yayıblar".

Bunu Sonxeber.az-a danışan deputat Pərvanə Vəliyeva bildirib.

Deputat qeyd edib ki, siyasi partiyaların həmrəyliyi, xalqın kədərinə şərik çıxması, ümummilli məsələlərdə onların vahid mövqedən çıxış edərək dövlətin yanında olduğunu bildirməsi təqdirəlayiqdir:

"Sözsüz ki, bu cür faciələr zamanı hər kəsin birləşərək zərər çəkənlərə yardım etməsi, dövlətin dəstəyi ilə bərabər cəmiyyətin də humanist yanaşması çox vacibdir. Eyni zamanda, bütün dünyada azərbaycanlıların belə günlərdə həmrəyliyi qoruyub saxlaması xalqımızın mənəvi gücünün göstəricisidir.

Azərbaycan Respublikası Prezidentinin hadisədən dərhal sonra səfərdən təcili olaraq ölkəyə qayıdıb, müşavirə keçirib, dövlət komissiyası yaradılması və digər ciddi tapşırıqlar vermişdir. Bu tədbirlər həm hadisənin səbəblərinin araşdırılmasına, səbəbkarların müəyyən edilib cəzalandırılmasına, həm də zərərçəkənlərə yardım göstərilməsinə, onlara kompensasiyanın ödənilməsinə yönəlmişdir. Təyyarə qəzasında həlak olanlara Allahdan rəhmət, xəsarət alanlara isə tezliklə şəfa arzulayırıq. Allah xalqımızı belə ağır sınaqlardan qorusun!"

Telegramda izləyin