"Bir uşağın aylıq təminatı üçün 246 manat çox azdır" - AÇIQLAMA

2025-ci il üçün yaşayış minimumu uşaqlar üçün 246 manat məbləğində təsdiq edilib.

Bəs görəsən bu məbləğ bir uşağın xərclərini qarşılamağa kifayət edirmi?

Mövzu ilə bağlı sosioloq Lalə Mehralı Sonxeber.az - a açıqlama verib:

"Əslində bu məbləğin kifayət qədər olduğunu deyə bilmərik. Çünki, uşağın qidalanma, geyim, təhsil, sağlamlıq və.s xərclərini hesablayanda görürsən ki, bu məbləğ bir uşağı təmin edə bilmir. Ona görə də birmənalı olaraq bu məbləğin yetərli olduğunu deyə bilmərik. Bu bahalaşmanın, həyay şərtlərinin çətinləşməsinin fonunda 246 manat heç yetərli deyil. Amma bütün hallarda bir uşağın aylıq təminatı üçün 246 manat çox azdır. Təhsil xərcləri həddindən artıq yüksəlib. Xüsusilə, yuxarı sinifdə oxuyan uşaqların repititor qiymətləri günü gündən bahalaşır. Hazırlıq qiymətləri orta hesabla aylıq 100 manat civarıdır. Yəni, qısaca analiz etsək, görərik ki, bir uşağı böyütmək, ona təhsil vermək üçün kifayət qədər çox xərc çəkmək lazımdır".

Boşanmış valideyinlər bundan sonra aylıq 246 manat aliment tələb edə bilərmi?

"Bu artımla aliment üçün müraciətlər artacaq. Amma mövcud vəziyyət, ödəyəcək tərəfin maddi imkanları da nəzərə alınmalıdır. Çünki maaşlarda artım yoxdursa, dolayısı ilə aliment də təmin edilməyə bilər. Tərəflər bu məsələ ilə bağlı razılaşmaya gəlməlidirlər"

Çiçək Sadatova

Telegramda izləyin