Əsgərlərin intihar etməsinin başlıca səbəbləri nələrdir? - AÇIQLAMA

Ötən gün çıxan xəbərə əsasən Azərbaycan əsgəri odlu silahdan atəş açaraq özünü öldürüb. Belə hallar, əsgərlərin intiharı əvvəllər də yaşanıb, gördüyümüz üzrə yenə yaşanmaqda davam edir. Bəs, əsgərlərin intihar etməsinə başlıca səbəblər nə olur? Və bu halların qarşısını almaq üçün hansı addımlar atılmalıdır?

Mövzu ilə bağlı Sonxeber.az-a hərbi ekspert Heydər Mirzə danışıb.

O, açıqlamasında qeyd edib ki, çağırışdan əvvəlki dövrdə hərənin bir fərdi həyat yolu olur:

"İlk növbədə onu vurğulayım ki, burada iki faktor var. Birincisi fərdidir. Burada insanın psixoloji hazırlığından söhbət gedir. Çünki, ordudan öncəki, yəni, ailə həyatı, təhsil vəs. bütün bunlar rol oynayır və insan fərdi pisxoloji durumuna təsir edir. İkinci hal isə konkret olaraq orduda olan, baş verən hadisələrlə bağlıdır. Əgər, biz konkret intihardan danışırıqsa bunlar da psixoloji travmaya səbəb ola bilir. Çünki, intihardan başqa digər hal da odlu silahdan düzgün istifadə etməmə halları olur. Bu biraz fərqli məsələdir. Ordu qapalı kollektivdir. İnsanlar ilk dəfə gənc yaşlarında ailədən kənar orada vaxt keçirtməli olurlar. Təbii ki, bu hələ çağırışdan əvvəlki dövrdə hərənin bir fərdi həyat yolu olur. İnsanlar müxtəlif travmalar keçirdə bilərlər və buda təbii ki, psixoloji duruma təsir edir. Bir də biləvasitə orduda, qapalı kollektivdə oğlanlar gənc olur, eyni zamanda hərbi hissələr, komandirlərin yanaşması müxtəli ola bilir vəs. Ümumiləşdirsək ilk növbədə bu fərdi və kollektiv daxili bir psixologiyadır. Yenə təkrar edirəm, əgər biz konkret olaraq intiharlardan danışırıqsa".

Vüsalə İbrahimli

Telegramda izləyin