Avtomobil təkərləri bahalaşdı - VİDEO

Tələbat az olsa da, mövsümünə görə qiyməti artıb. Söhbət avtomobil şinlərindən gedir.

Sonxeber.az Xəzər TV-yə istinadən bildirir ki, təkər satışı ilə məşğul olan satıcılar deyir ki, yay mövsümünə uyğun şinlər ucuzlaşıb, qış fəslinə uyğun olanlarınsa qiyməti minimum 5, maksimum 40 manat artıb.

İqtisadçı Fuad İbrahimov deyir ki, təkər bazarlarında qiymət artımına səbəb ola biləcək bir neçə amil var. Bunlardan biri də bu sahə üzrə istehsalatda yaranan xərclərdir.

İqtisadçının sözlərinə görə, digər səbəblərdən biri isə daşınma xərclərinin artmasıdır ki, bu da məhsulun maya dəyərini şişirdir. Satışa çıxarıldıqda isə həmin xərclər satış qiymətinin üzərinə gəlir ki, bu da nəticədə sözügedən qiymət fərqini yaradır.

Xezerxeber.az mövzu ilə bağlı daha ətraflı videomaterialı təqdim edir.

Telegramda izləyin