"Əksəriyyəti, ali təhsili olmadan belə həkim kimi işləyə bilirlər" - AÇIQLAMA

"Məncə, həkimlərin reklamına qadağa qoyulması ilə bağlı addımın atılmağına ehtiyac var. Çünki, indi hər şey o qədər, bazar iqtisadiyyatına, gəlirə fokuslanıb ki, peşəkarlıq, artıq, pərdəarxasında qalıb. Hansı həkimin pulu daha çoxdursa, reklamı da çox olur".

Bunu Sonxeber.az-a sosioloq Lalə Mehralı danışıb.

O, açıqlamasında qeyd edib ki, həkimlərin reklamı qadağan edilməli və ya edilmədiyi halda isə, bunlara ciddi nəzarət olunmalıdır:

"Nəticə etibarı ilə pasentləri özünə cəlb edə bilir. Həkimlərin, əksəriyyətinin, sosial şəbəkələrinə baxıram və görürəm ki, kim daha çox reklam verir, məşhurudur, onların paylaşımları arasında öz təhsilləri ilə bağlı demək olar ki, heç bir informasiya yoxdur. Son zamanlar baş verən hadisələrdən də biz gördük ki, əksəriyyəti, ali təhsili olmadan belə həkim işləyə bilirlər. Mən belə hallara "dəli cəsarəti" deyirəm. Yəni, sən o qədər cəsarətli olmalısan ki, bu cəsarət dəlilik həddinə çatmalı və sən tibb təhsilin olmadan həkimlik edə və əməliyyatlara girəsən. Bu ağılı olan adamın edəcəyi iş deyil. Ona görə də, düşünürəm ki, həkimlərin reklam məsələsinə ciddi şəkildə əncam çəkilməlidir. Reklam edilməsi qadağan edilməli və yaxud bunun üçün müəyyən çərçivələr təşkil olunmalıdır. Reklam çəkilərsə də bunlara güclü nəzarət olmalıdır ki, hər istəyən özünü həkim kimi qələmə verə bilməsin".

Vüsalə İbrahimli

Telegramda izləyin