Eksozomlar: Dəri Gəncləşdirmənin YENİ YOLU

Son zamanlarda kosmetologiya sahəsində eksozom müalicəsi diqqət çəkən yeniliklərdən biridir.

LBC Estetik Klinikasının həkim-kosmetoloqu və Estetik Kosmetologiya Mütəxəssisləri İctimai Birliyinin İdarə Heyəti Üzvü olan Nigar Rüfət, eksozom müalicəsinin faydalarını və necə işlədiyini bütün suallarımızı cavablandıraraq izah etdi.

Eksozom nədir və dəriyə necə təsir edir?

Eksozomlar hər hansı bir orqanizmin demək olar ki, bütün hüceyrələri tərəfindən daim ifraz olunan nano ölçülü veziküllərdir (30-200 nm ölçüdə kiçik baloncuklar) Hüceyrələrdən 1000 dəfə kiçikdirlər.

Dəriyə təsir etdikdə, eksozomlar hüceyrələrə daxil olaraq onların bərpasını və yenilənməsini təşviq edir, bu da dərinin sağlamlığını, elastikliyini və gəncliyini artırır. Eksozomlar, xüsusilə iltihabın azaldılması, hüceyrə regenerasiyasının təşviq edilməsi və dərinin təzələnməsi üçün istifadə olunur.

Eksozomların əsasən hansı hüceyrə səviyyəsində fəaliyyət göstərdiyini izah edə bilərsiniz?

Eksozomlar, əsasən, stem hüceyrələri və digər dəri hüceyrələri (fibroblastlar, keratinositlər və s.) üzərində fəaliyyət göstərir. Bu hüceyrələr dərinin yenilənməsi və kollagen istehsalı ilə bağlı mühüm rol oynayır. Eksozomlar bu hüceyrələrə faydalı mesajlar göndərərək, iltihabın azaldılmasına, hüceyrə dövranının tənzimlənməsinə və bərpa proseslərinin sürətlənməsinə kömək edir.

Eksozom müalicəsi kimlər üçün uyğundur və kimlər üçün tövsiyə edilmir?

Eksozom müalicəsi "yaşlanma əlamətləri" olan, dərisində qırışlar, sallanmalar və dərinin ümumi vəziyyətində zəifləmə hiss edən insanlar üçün çox faydalıdır. Həmçinin, "iltihabi dəri problemləri" (məsələn, sızanaq, rozasea) olan şəxslər də bu müalicədən faydalana bilərlər.

Lakin eksozom müalicəsi:

– "Hamilə və ya ana südü verən qadınlara" tövsiyə edilmir;

– "Aktiv infeksiya" və ya dəridə açıq yaralar olan pasientlərə eksozom edilmir.

Eksozom terapiyasının hansı dəri problemlərində təsiri daha çoxdur?

Eksozom müalicəsi xüsusilə aşağıdakı dəri problemlərində təsirli ola bilər:

– Yaşlanma əlamətləri (qırışlar, dərinin sallanması);

– Akne və sızanaq izləri;

– Dəri iltihabı və qızartılar (rozasea kimi);

– Dərinin ümumi ton və teksturunun yaxşılaşdırılması;

– Kollagen istehsalının stimullaşdırılması.

Eksozom müalicəsi ilə əlaqədar hansı yan təsirlər mövcuddur və necə qarşısı alınır?

Eksozom müalicəsi, adətən, çox az insanlarda yan təsir göstərir, lakin bəzi hallarda qızartı, şişkinlik və yüngül ağrı kimi müvəqqəti təsirlər meydana gələ bilər. Bu yan təsirlər müalicənin dərhal sonrasında normaldır və bir neçə saat ərzində yox olur. Yan təsirləri minimuma endirmək üçün müalicə sonrası soyuq kompres və yüngül nəmləndirici krem istifadə edilə bilər.

Eksozom müalicəsi ilə digər kosmetik prosedurların birləşdirilməsi mümkündürmü?

Bəli, eksozom müalicəsi digər kosmetik prosedurlarla birləşdirilə bilər. Məsələn, PRP (Platelet-Rich Plasma) və botoks ilə birləşdirildikdə daha yaxşı nəticələr əldə edilə bilər.

Nə qədər seans tələb olunur və hər seansın qiyməti nədir?

Eksozom müalicəsinin effektivliyi adətən 3-5 seansla görünür. Seanslar arasında ümumiyyətlə 2-4 həftə vaxt olması tövsiyə edilir. Qiymət isə klinikaya, mütəxəssisin təcrübəsinə və tətbiq olunan eksozom məhsulunun keyfiyyətinə görə dəyişə bilər. Ortalama qiymət hər seans üçün 250-800 AZN arasında dəyişir.

Müalicə sonrası dəriyə necə qulluq etmək lazımdır?

Eksozom müalicəsindən sonra dəriyə xüsusi diqqət yetirmək lazımdır:

– Günəşdən qorunma: Müalicədən sonra dəriniz daha həssas ola bilər, buna görə də günəşdən qoruyucu krem istifadə etmək vacibdir;

– Yüngül, nəmləndirici məhsullar istifadə edin;

– İltihaba səbəb olan məhsullardan (alkol tərkibli toniklər və sərt peelinglərdən) qaçın.

Eksozom müalicəsi ilə nə qədər vaxt ərzində nəticə görmək mümkündür?

Eksozom müalicəsindən sonra ilk nəticələr adətən 2-3 həftə ərzində görünməyə başlayır. Lakin ən yaxşı nəticələr 2-3 ay sonra əldə edilir, çünki dərinin bərpa və yenilənmə prosesi zaman alır.

Eksozom müalicəsindən sonra hansı məhdudiyyətlər və ya məsləhətləriniz var?

Eksozom müalicəsindən sonra:

– Bir neçə gün intensiv fiziki fəaliyyətdən qaçınmaq lazımdır;

– Günəş altında uzun müddət qalmaqdan çəkinin;

– Ağır makiyaj və ya kimyəvi maddələrdən istifadə etməyin;

– Sərt tərkibli məhsullardan və ya təbii maskalardan istifadə etməmək məsləhətdir.
Eksozom müalicəsindən sonra dəri nə qədər müddət bərpa olunur?

Eksozom müalicəsindən sonra dərinin bərpa olunması ümumiyyətlə bir neçə saatdan bir neçə günə qədər davam edir. Bu müddət ərzində yüngül qızartı və şişkinlik ola bilər, amma bu, normaldır və tez bir zamanda keçir.

Eksozom müalicəsi yalnız üzlə məhdudlaşır, yoxsa bədənin digər hissələrində də istifadə olunur?

Eksozom müalicəsi yalnız üzlə məhdudlaşmır, həm də bədənin digər hissələrində, məsələn, boyun, dekolte və əllərdə də istifadə oluna bilər. Bədənin bu hissələrində də dərinin yenilənməsi və kollagen istehsalı üçün faydalıdır.

Eksozom müalicəsinin təkrarlanması tövsiyə olunurmu və neçə müddət sonra edilməlidir?

Eksozom müalicəsinin təkrarlanması təbii olaraq dərinin vəziyyətinə və müalicə məqsədinizə görə dəyişir. Hər 6-12 ayda bir dəfə təkrarlama tövsiyə edilə bilər. Lakin, mütəxəssisinizlə mütəmadi olaraq dəri vəziyyətinizi qiymətləndirmək vacibdir.

Eksozom müalicəsi, kosmetologiyada inqilab yaradan bir metod kimi populyarlıq qazanmaqdadır və gələcəkdə daha çox insanın bu terapiyadan faydalanacağı gözlənilir.

Eksozom müalicəsi haqqında daha ətraflı məlumat almaq istəyirsinizsə və ya digər suallarınız varsa, bizə yazın!

Məsimə Məmmədova

Telegramda izləyin