Qara görə tələbələrə hansı güzəştlər ediləcək? - Yenilənib

Azərbaycanda müşahidə olunan qarlı hava şəraiti ilə əlaqədar bəzi universitetlərdə tələbələrə güzəştlər edilib.

Sonxeber.az xəbər verir ki, Azərbaycan Mədəniyyət və İncəsənət Universitetində dərsə gecikən və ya gələ bilməyən tələbələrə güzəşt edilir.

Modern.az-ın məlumatına görə, ADA Universitetinin kampusu açıq olsa da, hava şəraiti ilə bağlı əməkdaşların evdən işləməsinə, dərslərin isə onlayn formatda keçirilməsinə icazə verilib.

Bildirilib ki, tələbələrin kampusa gəlməsi ilə bağlı heç bir qadağa və ya məhdudiyyət tətbiq edilmir.

***

Oxu.az-ın əldə etdiyi məlumata əsasən, Xəzər Universitetində hava şəraiti nəzərə alınaraq dərslərin həm onlayn, həm də əyani formada keçirilməsi təşkil edilib. Sözügedən situasiyanın yalnız bu gün üçün keçərli olduğu qeyd olunub.

Azərbaycan Universitetindən isə bildirilib ki, dərslər əyani formada keçirilir, davamiyyət yaxşıdır. Hava şəraiti nəzərə alınaraq gecikən tələbələr də dərsə qəbul ediliblər, lakin axşam növbəsinin dərsləri başqa gün əvəzlənmək şərti ilə ləğv olunub.

Telegramda izləyin