"Güclü kişinin xanımına heç kəs dil uzada bilmir" - AÇIQLAMA

Azərbaycan qadını niyə ona pis davranan, şiddət göstərən, güya "qısqanan" kişiləri sevir? Onları tərk edib gedə bilmir?

Psixoloq Aytən Ələkbərova Sonxeber.az-ın bu sualını cavablandırıb:

"Azərbaycan qadını ona pis davranan yox, qısqanan kişiləri ona görə sevir ki, həmin kişilər sahiblənməyi bacarır. Mənimsən deməyi bacarır. Bunu davranışları ilə göstərir. Harda güclü qadın görürüsünüzsə, o, zəif kişinin məhsuludur. Həmin qadınlar da sonunda yenə güclü kişinin yanında olmaq istəyir. Həmin qadınlar güvəndikləri kişinin yanında güclü olmaq istəmir. Çünki, güclü kişinin xanımına heç kəs dil uzada bilmir.

Qısqanclıq dedikdə isə, bunun növləri var. Məsələn pataloji qısqanclıq şəxsiyyət pozuntusu olan insanlarda olur. Həmin insanları şübhələr idarə edir. Amma toplum olaraq, gənc qadınların hansı ilə söhbət etsən, onları qısqanan, qoruyan, qadağa qoyan oğlanları daha çox sevirlər. Məsələn gənclər "Xəyanət" serialındakı Turala bənzəmək istəyir. Qadınlar Tural kimi oğlan tərəfindən sevilmək istəyir. Qorumaq və qısqanmaq pis davranmaq deyil. Əlbəttə ki, pis davranışlar qadının hətta intiharına da səbəb ola bilər. Qadınına ona aid olduğunu bildirən kişi bu həyatdakı ən güclü kişidir".

Telegramda izləyin