"Mənə müraciət edənlər arasında, həyat yoldaşım 8 Martda hədiyyə almasa boşanacam deyən qadınlar var" - PSİXOLOQ

Garşıdan 8 Mart Beynəlxalq Qadınlar günü gəlir. Sosial şəbəkələrdə kişilər bu gün qadınlara hədiyyə almasınlar deyə növbənöv bəhanələr irəli sürür. Qadınlar isə özəl gündə hədiyyə gözləyirlər. Bəs görəsən kim haqlıdır, hədiyyə gözləyən qadınlar yoxsa hədiyyə almaqdan boyun qaçıran kişilər?

Mövzu ilə bağlı psixoloq Aytən Ələkbərova Sonxeber.az -a açıqlama verib:

"Son günlər müraciət edənlərin bir çoxunda "14 Fevral bitməmiş 8 Mart gəlir" deyə gileylənən bəylərimiz çoxdur. Əslində bəyləri də qınamıram, çünki bəzən xanımların gözləntilərində çox böyük hədiyyələr olur. Şou-biznesin paylaşdığı hədiyyələri hər kəs öz evində gözləyir. Amma təbiidir ki, o hədiyyələr bəylərin imkanına uyğun gəlmir və evlərdə söz-söhbət yaranır. Hətta bəzən bu söz-söhbətlər boşanmalara belə gətirib çıxarır. Mənə müraciət edən xanımların içərisində "14 fevralda aldığı hədiyyəni bəyənmədim və ya o mənə heç hədiyyə almadı. 8 Martda da belə olsa, boşanacam" deyən qadınlar var. Bəziləri bunu bəyləri manipulyasiya etmək üçün desələr də, fikrində ciddi olanlar da az deyil. Hədiyyənin böyüyü kiçiyi olmaz. Bir insana hədiyyə vermədən belə ona sevgini ifadə edə bilərsən. Amma təəssüflər olsun ki, bu gün həyat hədiyyələrdən ibarətdir kimi davranirlar. Düzdür, müəyyən məqamlar var ki, xanımlar haqlıdır. Amma bəyləri də qınamaq olmaz. Ailədə xanımı, anası, bacısı, qaynanası olan bəylər bu qədər qadını xoşbəxt edə bilmək üçün maksimum nə edə bilərki? Öhdəliklərini maddi cəhətdən çatdıra bilməyən kişi özünü zəif hiss edir. Mən qadınlarımıza məsləhət görərdim ki, hədiyyəyə görə ailələrində söz söhbət salmasınlar"

Çiçək Sadatova

Telegramda izləyin