Viza dəstəyini necə almalıyıq ki, aldanmayaq? - AÇIQLAMA

"Bu mövzu çox aktualdır. Viza alarkən diqqət etməli məqam odur ki, ümumiyyətlə, çalışmaq lazımdır ki, səfirliklərin rəsmi saytlarından məlumatları götürsünlər. Tələb olunan sənədləri vəs. doğru şəkildə hazırlaya bilsinlər. Çünki, bəzən, sosial şəbəklərdə hansısa şirkətlər olur ki, tez bir zamanda vizanın verilməsi, sərhədsiz viza vəs. bu kimi ifadələrlə özlərini reklam edirlər. Sonra isə ödəniş tələb edə bilərlər, ümumiyyətlə, bu xidməti göstərən araçı şirkət varsa, bu şirkətin özünün lisenziyası, rəsmi saytı, onun haqqında olan şərhləri araşdırmaqda fayda var".

Bunu Sonxeber.az-a turizm eksperti Ceyhun Aşurov danışıb.

O, açıqlamasında qeyd edib ki, hansı ölkənin vizası alınacaqsa, o ölkənin rəsmi məlumatlarının doğruluğunu diqqətə almaq lazımdır:

"Çünki, tez bir zamanda və yaxud da sizin rəsmi sənədlərinizi tələb edən, öncədən ödəniş istəyən, amma qarşılığında heç bir qəbz verə bilməyən şirkətlər şüphəli ola bilər. Bu xidmətləri peşəkar şirkətlər də həyata keçirdirlər. Bu zaman şirkətin özünün ən azından ofisi olmalıdır. Müəyyən səndələri yerli-yerində olmalı və ödəniş edərkən mütləq qaydada qəbz verməlidir. Hətta, bu viza xidmətini göstərən, bəzən, dələduz saytlar da ola bilər ki, bu saytlara aldanıb hər hansı bir onlayın ödəniş tələb edə bilərlər. Mütləq bunun rəsmi sayt olduğu, hansı ölkənin vizası alınacaqsa, o ölkənin rəsmi məlumatlarının doğruluğunu diqqətə almaq lazımdır. Adətən, bu cür, sənədlər haqqında məlumatlar səfirliyin öz saytında olur və bu prosedura uyğun hərəkət edilməlidir. Burada əsas məsələ dələduzluqla pulun əldə olunmasıdır. Buna görə də ödəniş məsələsinə diqqət etmək gərəkdir. Arada hər hansı sövdələşmə, rəsmi müqavilə olmadan hər hansı ödəniş həyata keçirtməmək lazımdır. Onlayın ödənişlərdən isə ümumiyyətlə, çəkinmək lazımdır".

Telegramda izləyin