Misirin sabiq naziri: Qadınlar müharibələrin və onların nəticələrinin ən həssas qurbanlarından biridir

Müharibələr zamanı qadınlar ən həssas qurbanlardan biridir, onların nəticələrindən daha çox əziyyət çəkirlər.

"Report" xəbər verir ki, bunu Misirin sabiq ailə və əhali məsələləri üzrə naziri (2009-2011), İnsan Hüquqları üzrə Milli Şuranın prezidenti Muşira Xattab XII Qlobal Bakı Forumu çərçivəsində panel müzakirəsində bildirib.

Onun sözlərinə görə, qadınların hüquqlarını qorumadan davamlı sülh qurmaq mümkün deyil.

Xanım sabiq nazir deyib ki, bu problem regiondan və ya mədəni fərqlərdən asılı olmayaraq dünyanın bütün hissələrindəki qadınlara aiddir.

"Qadınlar təkcə Yaxın Şərqdə və ya keçmişdə Avropada müharibələrin nəticələrindən əziyyət çəkmirlər. Bu, beynəlxalq normalara əsaslanan insan hüquqlarına riayət olunmasını tələb edən qlobal çağırışdır. Qadınların hüquqları təmin olunmadan ədalətli və davamlı sülhdən danışmaq mümkün deyil", - Xattab vurğulayıb.

Telegramda izləyin