Uşaq kitab oxumaq istəmirsə, nə etməliyik? - Kiçik bir hiylə

Təkidlər və hədələr kömək etmir əksinə, etirazı daha da artırır. Sirr ondadır ki, uşağı məcbur etməyi dayandırmaq lazımdır. Bunun əvəzinə elə şərait yaradın ki, uşaq kitabı özü istəsin.

Lent.az bu mövzu ilə bağlı məlumatları sizə təqdim edir:

Kiçik addımlarla başlayın:

Uşağın daha çox vaxt keçirdiyi yerlərə – divanın üstünə, kompüterin yanına, hətta uşaq otağının döşəməsinə – parlaq şəkilli, qısa hekayəli kitablar qoyun. Bu barədə heç bir şərh verməyin və "oxu" deyə xatırlatmayın. Qoy kitablar onun məkanının bir hissəsi olsun, məcburiyyət deyil.

Növbəti addım səslə oxuyun, amma sona qədər yox.
Maraqlı bir hekayə seçin, ifadəli şəkildə oxuyun və ən maraqlı yerdə birdən deyin:
"Ehh, indi zəng etməliyəm. Davamını sonra oxuyarıq".

Yüksək ehtimalla uşaq nə baş verdiyini bilmək istəyəcək və kitabı özü götürəcək. Əvvəlcə yalnız şəkillərə baxacaq – bu tam normaldır. Zamanla mətnləri də oxumağa başlayacaq, xüsusilə siz kitabı "bitməmiş" formada görünən yerlərdə qoysanız.

Daha bir hiylə – istədiyini oxumağa icazə verin.

Komikslər, dinozavrlar haqqında jurnallar, oyuncaqların təlimatları – hansı formada olursa olsun, oxumaq faydalıdır. Əgər siz axşamları telefonla vaxt keçirirsinizsə, kitabın faydası haqqında sözləriniz səmimi səslənməyəcək. Ailəvi "sakit oxu saatı" təşkil edin, hamı öz kitabını oxusun. Gündə cəmi 15 dəqiqə olsa belə, bu, ömürlük oxuma vərdişi formalaşdırır.

Telegramda izləyin