Deputata məxsus olduğu deyilən şirkətdən 150 minlik sifariş

Azərbaycan Tibb Universitetinin (ATU) Tədirs Cərrahiyə Klinikası "Azəri Med" şirkətindən biokimyəvi reaktivlər almağı planlaşdırır.

Qaynarinfo xəbər verir ki, şirkət klinikanın bununla bağlı keçiridyi tenderin qalibi seçilib.

Satın alınacaq reaktivlərə görə "Azəri Med" şirkətinə 145 999,08 ödəniləcək.

"Azəri Med" Qapalı Səhmdar Cəmiyyəti (QSC) tibb sektorunda fəaliyyət göstərir. Dövlət satınalmalarında fəal iştirak edir və adətən iri məbləğli tenderlərin qalibi seçilir. Bu da təsadüfi deyil. Çünki "Azəri Med" QSC sıradan bir sahibkara məxsus deyil.

Bir neçə ildir ki, mediada yayılan və təkzib olunmayan məıumatlara görə, "Azəri Med" QSC deputat Kamaləddin Qafarova məxsusdur. Doğrudur, Dövlət Vergi Xidmətinin reyestr məlumatlarında şirkətin qanuni təmsilçisi Rəhimli Famil Vəli oğlunu adı qeyd edilib. Lakin qanuni təmsilçi olmaq hələ şirkətin sahibi olmaq demək deyil.

Bundan əlavə, Kamaləddin Qafarovun yaxın qohumu Qafarov Hüsaməddin Şəmsəddin oğlu 2013-cü ildə "Azəri Med"in qanuni təmsilçisi olub. Məlumatlara görə, şirkətin hüquqi ünvanı da Kamaləddin Qafarovun qeydiyyatda olduğu ünvanla eynilik təşkil edir.

Kamaləddin Qafarov Milli Məclisdə 9 saylı Binəqədi ikinci seçki dairəsini təmsil edir.

Telegramda izləyin