Nahid Canbaxışlının 50 illik yubileyi qeyd olundu (FOTO)

Jurnalist, Qarabağ qazisi, "Vətəninfo" Xəbər Portalının baş redaktoru Nahid Canbaxışlının 50 illik yubileyi münasibətilə tədbir keçirilib

Qaynarinfo xəbər verir ki, yubiley mərasimində Azərbaycan Mətbuat Şurasının sədri Rəşad Məcid, "Yeni Müsavat" qəzetinin baş redaktoru Rauf Arifoğlu, Suraxanı Rayon İcra Hakimiyyətinin başçısı Adil Əliyev, Azərbaycan-Türkiyə İş Adamları Birliyi (ATİB) İdarə Heyətinin sədri Camal Yanğın, media təmsilçiləri və digər qonaqlar iştirak ediblər.

Tədbiri giriş sözü ilə açan jurnalistin dostu, "Yeni Çağ" Media Qrupunun rəhbəri Aqil Ələsgər Nahid Canbaxışlının həm döyüş, həm media yolundan bəhs edərək, zəhmətkeş jurnalisti təbrik edib.

Tədbirdə çıxış edən Mətbuat Şurasının sədri Rəşad Məcid Nahid Canbaxışlının Azərbaycan mətbuatına verdiyi töhfələrdən söz açaraq onu fəxri diplomla təltif edib.

Yubiley tədbiri çərçivəsində Türkiyənin Azərbaycandakı fövqəladə və səlahiyyətli səfiri Birol Akgün və Milli Məclisin İctimai birliklər və dini qurumlarla iş üzrə komitəsinin sədri, Böyük Quruluş Partiyasının (BQP) sədri, millət vəkili Fazil Mustafanın yubilyara ünvanladıqları təbrik məktubları səsləndirilib.

Daha sonra jurnalistlər, dövlət qurumlarının mətbuat xidmətlərinin rəhbərləri və digər iştirakçılar çıxış edərək Nahid Canbaxışlını 50 illik yubileyi münasibətilə təbrik edib, ona gələcək fəaliyyətində uğurlar arzulayıblar.

Telegramda izləyin