Azərbaycanda orqan mafiyası ilə bağlı ŞOK İDDİALAR - DİN-dən AÇIQLAMA

Bəzi sosial şəbəkələrin Azərbaycan seqmentində müəmmalı görüntülər yayılıb.

BAKU.WS xəbər verir ki, naməlum şəxslərin gəncləri aldatdığı, onları orqan mafiyasının qurbanına çevirdiyi, hazırda isə Gəncə və Ləkəran şəhərlərində olduqları iddia edilib.

Hər iki şəhərlə bağlı yayılan bu iddialar sosial şəbəkələrdə təşvişə səbəb olub.
Hadisə ilə bağlı Daxili İşlər Nazirliyi Mətbuat Xidmətinin Lənkəran regional qrupunun baş inspektoru polis kapitanı Məhəmməd Rzayev BAKU.WS-ə bildirib ki, yayılan həmin məlumatlar həqiqəti əks etdirmir. İddialar polis əməkdaşları tərəfindən hərtərəfli araşdırılıb və 1971-ci il təvəllüdlü həmin qadın polis orqanına dəvət edilib.

"Psixi sağlamlıq vəziyyəti nəzərə alınaraq ailə üzvlərinin ərizəsi və özünün razılığı əsasında müvafiq qaydada müalicə almasından ötrü Lənkəran Rayonlararası Psixoterapiya dispanserinə yerləşdirilməsi təmin edilib", - deyə məlumatda qeyd olunub.

Lənkəran şəhərində baş vermiş bənzər hadisə ilə bağlı isə DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirdi ki, yayılan həmin məlumatlar həqiqəti əks etdirmir. İddialar polis əməkdaşları tərəfindən hərtərəfli araşdırılıb və həmin şəxs polis orqanına dəvət edilib.

"Psixi sağlamlıq vəziyyəti nəzərə alınaraq ailə üzvlərinin ərizəsi və özünün razılığı əsasında müvafiq qaydada müalicə almasından ötrü Gəncə Şəhər Psixoterapiya dispanserinə yerləşdirilməsi təmin edilib", - deyə Eşqin Qasımov əlavə edib.

Sözügedən iddia ilə bağlı kadrları təqdim edirik:

Telegramda izləyin