Hazır həyət evi almaq sərfəlidir, yoxsa torpaq alıb ev tikmək? - AÇIQLAMA

"Hər il ənənəvi olaraq, mart ayının sonundan başlamaqla, aprel ayının sonuna qədər torpaq sahələrinə və fərdi yaşayış evlərinə, xüsusən də bağ evlərinə xüsusi təlabat artır. Bu aylarda təlabatın artması səbəbindən bu tip əmlakların satış qiymətlərində artımlar müşahidə olunur. Ötən illərə nisbətən, artıq 2020-ci ildən başlayaraq bağ evlərinə və torpaq sahələrinə təkcə paytaxt Bakı ətrafındakı ərazilərində deyil, daha çox ölkənin turistik zonalarına müraciyyət olunur. Turistik bölgələrdə təlabatın artması səbəbindən də sözügedən ərazilərdə həm torpaq sahələri, həm də hazır fərdi həyət evlərinin də qiymətlərində artım müşahidə olunur ki, buna da əsas səbəb ölkə əhalisinin böyük bir hissəsi istirahət üçün artıq Azərbaycanın müxtəlif turistik zonalarına üz tuturlar".

Bunu Sonxeber.az-a əmlak eksperti Elnur Fərzəliyev danışıb.

O, açıqlamasında qeyd edib ki, ötən ilə nisbətən bu ildə qiymətlərin artması daha kəskin görsənir:

"Buna əsas səbəb hazırda paytaxt ərazisində başlanılan söküntülərdi ki, torpaqların dövlət ehtiyacı üçün alınması zamanı vətəndaşlara konpensasiya olaraq mənzil deyil, pul verilir və vətəndaşladın böyük bir hissəsi artıq əldə etdikləri vəsaitləri fərdi həyət evlərinə yatırırlar, bu da sözügedən evlərə və torpaq sahələrinə təlabatı artıracaq. 2023-cü ilin oktyabr ayından yeni qərara əsasən artıq çıxarışı olmayan torpaqlar üzərində tikiləcək fərdi yaşayış evlərinə kommunikasiya xətlərinin çəkilməsi qadağan olunduğuna, vətəndaşlar çıxarışlı torpaqlar tapmadıqlarına görə və yaxud sözgedən torpaqların satış qiymətlərinin kəskin baha olması səbəbi ilə vətəndaşlar hazır evlərə daha çox üstünlük verirlər. Bu baxımdan hazır evlərə, xüsusən də çıxarışı olan evlərə təlabat daim artır və bu səbəbdən də belə tip əmlakların satış qiymətlərində artımlar müşahidə olunur".

Telegramda izləyin