Tək-tək satılan alçanın qiyməti görənləri şoka saldı - FOTO

İzmir şəhərində bir marketdə alçanın tək ədədinin 5 TL-ə (təxminən 22 qəpik) satılması vətəndaşların təəccübünə səbəb olub.

Sonxeber.az türk mediasına istinadən xəbər verir ki, alçanı tək-tək satışda görən alıcılar qiymətə sərt reaksiya veriblər: "Bu artıq lap çox oldu!",- deyə vəziyyəti şərh ediblər.

Məsələ sosial mediada da geniş müzakirələrə səbəb olub. İstifadəçilər alçanın bu qədər baha qiymətə satılmasına istehza ilə yanaşaraq "Bu, qızıl deyil, alçadır" və "Alçanı dişləmədən əvvəl yəqin ki, sənəd imzaladırlar" kimi şərhlər paylaşıblar.

Mövsümi meyvə olan alçanın belə yüksək qiymətə təklif olunması ərzaq bazarındakı bahalaşmanı bir daha gündəmə gətirib.

Telegramda izləyin