Əyilən baş sindromu nədir və necə qurtulmaq olar? - Həkim danışdı

Yaponiyada 25 yaşlı gəncin davamlı olaraq telefonuna baxması nəticəsində yaranan sağlamlıq problemi tibb aləmində böyük əks-səda doğurub.

Ölkə.Az Türkiyə mətbuatına istinadla xəbər verir ki, 6 ay davam edən şiddətli ağrılardan sonra gənc əməliyyat olunub.

Bu vəziyyət isə tibb dünyasında yeni olan "əyilən baş sindromu"dur.

Türkiyəli fiziki müalicə və reabilitasiya mütəxəssisi Dr. Yıldız Qonca Doğru deyib ki, problem davamlı olaraq mobil telefona baxmaqdan qaynaqlanır.

Sözügedən yapon gəncə tibbi müdaxilələr yetərsiz qaldığından əməliyyatla boynuna metal çubuqla yerləşdirilib.

Bu hadisə onu göstərir ki, rəqəmsal cihazlardan şüursuz və uzun müddət istifadə ciddi fiziki deformasiyalara səbəb ola bilər.

"Text neck" adlnanan bu vəziyyət başın daim önə əyilməsi və boyun onurğalarının deformasiyaya uğraması nəticəsində yaranır. Xüsusilə gənclər və ofis işçiləri arasında getdikcə daha çox yayılır. Baş irəli əyildikdə boyun fəqərələrinə yük artır. Normalda 4,5-5,5 kilo ağırlığında olan baş 60 dərəcə irəli əyildikdə onurğaya 27 kiloqrama qədər ağırlıq verir.

Bu, boyun əzələlərində gərginliyə, onurğanın düzgün düzülməməsinə və uzun müddət ərzində boyun yırtıqlarına, kanalların stenozuna və nəticədə xroniki ağrılara səbəb ola bilər.

Əyilən baş sindoromunuzun olduğunu necə bilmək olar?

Sindromun əsas əlamətləri boyun, çiyin və bel ağrıları, baş ağrısı, boyun hərəkətlərinin məhdudlaşdırılması, əzələlərin sərtliyi və gərginliyi, duruş pozğunluğudur.
Bu xəstəliyin əsas səbəbi başın əyri tutulmasıdır.

Buna görə də, kompüter, telefon və ya planşetdən istifadə edərkən göz səviyyəsində saxlayın və boynunuzu əyməkdən çəkinin, hər 20 dəqiqədən bir qısa fasilələr verin və sadə dartınma məşqləri edin.

Boyun və kürək əzələlərini gücləndirən gündəlik məşqlər, yoqa və pilates kimi duruşu düzəltmək üçün fəaliyyətlərlə məşğul olun.

Şiddətli ağrı və ya məhdud hərəkət halında mütəxəssis həkimdən dəstək almaq çox vacibdir. Səhv yerinə yetirilən məşqlər xəstəliyi həll etmək əvəzinə vəziyyəti daha da pisləşdirə bilər. Buna görə də fiziki tibb və reabilitasiya mütəxəssisindən dəstək istənilməlidir.

Telegramda izləyin