Bütün ailə üçün ən faydalı balıq NÖVÜ

Qızılbalıq uzun müddət ən faydalı balıqlardan biri hesab olunurdu, lakin onun daha ucuz analoqu Atlantik skumbriya daha yaxşı seçim ola bilər.

Lent.az xarici mediaya istinadla bildirir ki, qızılbalıqdan daha faydalı balıq var.

Dietoloq Bartoş Kulçinski bildirir ki, qida dəyərinə görə skumbriya yalnız qızılbalığa bərabər deyil, hətta ondan üstündür. Üstəlik, bu balıq daha əlçatandır. Mütəxəssislər daim balığın daha tez-tez süfrələrimizdə olmasını tövsiyə edirlər.

O, sağlamlıq üçün vacib olan qida maddələrinin mənbəyidir. Lakin bir çox istehlakçılar yüksək qiymətlərə görə onu müntəzəm yeməkdən imtina edirlər. Bəzi balıq növləri həqiqətən bahalı ola bilər, lakin bazarda keyfiyyət baxımından da yaxşı olan daha ucuz alternativlər mövcuddur. Buna nümunə Atlantik skumbriyadır.

Skumbriya və qızılbalıq – ekspert nə deyir?

Kulçinskinin sözlərinə görə, Atlantik skumbriya sağlam balıq seçimi baxımından ən yaxşı variantdır. O, videolarının birində bildirib ki, skumbriya qızılbalıqla müqayisədə omega-3 yağ turşuları baxımından daha üstündür. Atlantik skumbriyada omega-3 turşuları qızılbalıqdan 40 faiz çoxdur.

100 qram skumbriyada 3000-4000 milliqram omega-3 turşusu var, halbuki qızılbalıqda bu göstərici təxminən 2000 milliqramddır. Omega-3 yağ turşuları skumbriyanın yeganə üstünlüyü deyil. Bu balıq həmçinin qalxanabənzər vəzin düzgün fəaliyyəti üçün vacib olan selenlə və B qrupu vitaminləri, o cümlədən B12 və B3 ilə zəngindir.

Skumbriyanı necə bişirmək daha yaxşıdır?

Skumbriyanı digər balıqlar kimi müxtəlif üsullarla bişirmək olar. Lakin diyetoloq qızartmadan çəkinməyi tövsiyə edir, çünki bu üsul təkcə yeməyin kalori dəyərini artırmır, həm də bir sıra qida maddələrini məhv edir. Ən yaxşı üsul – balığı sobada bişirməkdir, bu üsul balığın şəfalı xüsusiyyətlərini qoruyur.

Kulçinski həmçinin qızardılmış (hisə verilmiş) skumbriyanın dadlı və əlçatan olduğunu vurğulayır – onu əksər mağazalarda tapmaq mümkündür. Atlantik skumbriya sübut edir ki, sağlam qidalanma mütləq baha başa gəlməməlidir. Omega-3 yağ turşuları, selen və B qrupu vitaminlərinin yüksək miqdarı onu qızılbalığa dəyərli alternativ edir.

Telegramda izləyin