"Kor qadın idi, niyə öldürürsən axı?!" - Video

Xəbər verdiyimiz kimi, Xaçmazda 2 il əvvəl itkin düşən 59 yaşlı Gülxar Cahangirovanın meyiti tapılıb.

"Qafqazinfo" xəbər verir ki, qətllə bağlı bəzi təfərrüatlar bəlli olub.

Belə ki, görmə qabiliyyəti məhdud olan G. Cahangirovanın meyiti rayonun Əzizli kəndi ərazisindəki meşə massivində tapılıb.

Mərhumun bacısının sözlərinə görə, hadisə tamah məqsədilə törədilib: "Pula, qızıla görə öldürüb onu. Portfelində min manat olub. Aparıb meşəyə, soyub, sonra maşından itələyərək yerə atıb. Zülmlə öldürüb. Kor qadın idi, niyə öldürürsən axı?!".

Qeyd edək ki, qətli törətməkdə şübhəli bilinən Xaçmazın Xaspoladoba kənd sakini, taksi sürücüsü Xəqani Rəhmətov polis əməkdaşları tərəfindən saxlanılıb.

Faktla bağlı araşdırmalar davam etdirilir.

Ətraflı Baku TV-nin süjetində:

Telegramda izləyin