"Birlikdə Güclüyük" adlı möhtəşəm tədbir keçirildi

31 May tarixində Gəncə şəhərində yerləşən Heydər Əliyev Mərkəzi və Heydər Əliyev Park Kompleksində 1 İyun Uşaqların Beynəlxalq Müdafiə Gününə həsr olunmuş "Birlikdə Güclüyük" adlı möhtəşəm tədbir keçirildi.

Heydər Əliyev Mərkəzinin rəsmi tərəfdaşlığı ilə həyata keçirilən tədbir "ORCES" Protez & Ortez Mərkəzinin İstehsalat bölüm Rəhbəri Tibbi Marketoloq Əliyeva Zülfiyyə tərəfindən təşkil olunmuşdu.

Təşkil olunmuş tədbirin Novella Kitab Evi, Gəncə Beyxəlxalq Xəstəxanası, Azərbaycan Respublikası Əmək və Əhalinin sosial Müdafiəsi Nazirliyi tabeliyində Sosial Xidmətlər Agentliyi, Dövlət Məsgulluq Agentliyi, YAP, Gəncə Daşkəsən Regional Mədəniyyət İdarəsi, Gəncə - Daşkəsən İdman İdarəsi, Gəncə- Daşkəsən Turizm İdarəsi, MÜTDA, Gəncə UAFA, GDU, Gəncə Maarif Evi, Gəncə Sənətin, Akustik Musiqi və İncəsənt Mərkəzi, Gəncə Gənclər evinin, GəncLand, Ağayev Group, Vineyard Church Azerbaijan, Vineyard, Alioglu Media group, Sens reklam, Baku Hotel, Leon Hotel, Colorit, Damla, Motodrive, İnclusive Organization Company, Fərəh Sosial İB, Məktəbim, tərəfdaşlığı ilə minə yaxın uşağı sevindirməyə nail olduqları qeyd olundu.

Tədbir çərçivəsində xüsusi olaraq diqqət çəkən təqdimatlardan biri də "Psycho Clinic" və Oyun Məktəbinin təsisçi direktoru, klinik psixoloq Anara Quliyevanın 3 illik elmi-tədqiqat işi əsasında hazırladığı "AGÌDÌP" proqramının rəsmi təqdimatı oldu.

Tədbir Azərbaycan Respublikasının Dövlət Himni ilə başladı. Tibbi Marketoloq Zülfiyyə Əliyeva tədbiri açıq elan edərik, Ümumilli Lider Heydər Əliyevin "Uşaqlar Bizim Gələcəyimizdir" şüarı ilə başlatdı. Daha sonra isə klinik psixoloq Anara Quliyeva "AGİDİP" Proqramın təqdimatını təqdim etdi.

Tədbir dövlət qurumlarının çıxışları və rəyləri ilə davam etdi. Tədbirdə Gəncə-Daşkəsən Regional Gənclər və İdman İdarəsinin rəisi Elvin Quliyev, Fariz Qarayev Gəncə Regional Turizm İdarəsinin Rəisi, İqtisadiyyat Nazirliyi Gəncə-Qazax regional bölməsinin müdiri Arzu Hacıyev, Ağayev Ariz Dövlət Məşğulluq Agentliyi tabeliyində Gəncə Peşə Hazırlığı Mərkəzinin Direktoru, YAP Gəncə nümayəndəsi, Ağdaş Rayon İcra Hakimiyyəti Başçısının Ağdaş Şəhər inzibati ərazi dairəsi üzrə icra nümayəndəsi Qara Lətifov. Azərbaycan Respublikası Dini Qurumlarla İş üzrə Dövlət komitəsinin rəsmi qeydiyyatından keçmiş, "Vineyard Azərbaycan" Xristian Dini İcmasının sədri Kamran Ağayev. Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 4 Saylı Psixonevroloji Sosial Xidmət Müəssisəsinin Direktoru Əlizamin İskəndərov. Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 4 Saylı Psixonevroloji Sosial Xidmət Müəssisəsinin Sosial Reabilitasiyanın Təşkili Şöbəsinin Müdiri Urfan Mustafayev. YAP Gəncə nümayəndəsi, QHT Sədrləri, aparıcı mütəxəsislər və həkimlər iştirak etmişdi.

Daha sonra tədbir Fiziki Məhdudiyyətli Uşaqlardan ibarət "Günəş Rəqs" qrupun çıxışına tamaşa edildi.

Tədbirin ən önəmli hissəsi isə müxtəlif yaş və imkanlara sahib uşaqların, həm sağlam, həm də fiziki məhdudiyyətli uşaqların birlikdə səhnəyə çıxması, əylənməsi və bir-birinə dəstək olması oldu. Onların sevinc dolu baxışları və gülümsər üzləri bu günün əsl qəhrəmanlarının kim olduğunu bir daha göstərdi.
Bu gün uşaqlar sevindi, birlik qazandı.

Təşkilatçılar və Tərəfdaşlar onu göstərdilər ki, "Birlikdə Güclüyük" demək təkcə şüar deyil. Gəlin bu birliyi qoruyaraq, uşaqlar üçün daha gözəl sabahlar yaradaq!

Telegramda izləyin