Qulaqlıqlar eşitmə qabiliyyətinizi məhv edə bilər

"Qulaqlıqlar daxili qulaq selikli qişasında qıcıqlanma yaradır və bu da eşitmə qabiliyyətinin tamamilə itməsinə səbəb ola bilər".

Ölkə.az "İzvestiya"ya istinadla xəbər verir ki, bu sözləri rusiyalı həkim Lyudmila Elizarova deyib:

"Daxili qulaq çox həssasdır, ona görə də səs nə qədər uzaqdan gəlsə, bir o qədər yaxşıdır".

Həkimin sözlərinə görə, daha məqsədəuyğun olan iri qulaqlıqlardır, çünki onlar yalnız xarici qulağa təsir edir və içinə daxil olmur. O vurğulayıb ki, insan qulağı içinə nəsə salmaq üçün nəzərdə tutulmayıb. Bu, qıcıqlanma, iltihab, virus və göbələk infeksiyaları, həmçinin irinli sivilcələr və kükürd tıxaclarının yaranmasına səbəb ola bilər. Toplanan bu tıxaclar isə infeksiyaya çevrilərək müalicə tələb edir.

Əgər qulaqlıqlardan tamamilə imtina etmək istənilmirsə, onları daimi olaraq antiseptiklə təmizləmək lazımdır. Lakin bu da problemi tam həll etmir.

Telegramda izləyin