Velosiped sürmək bu xəstəlikdən qoruyur

Velosiped sürmək demensiya riskini azaldır.

Ölkə.Az xarici KİV-ə istinadla xəbər verir ki, bu barədə Çinin Huazhong Elm və Texnologiya Universiteti və Sidney Universiteti araşdırma aparıb.

"JAMA Network Open" jurnalında dərc edilən araşdırma velosiped sürməyin beynin yaddaş funksiyaları ilə əlaqəli hissəsini qoruduğu üzə çıxıb. Bu da demensiya riskini azaldır.

Tədqiqat tez-tez orta səviyyədə məşq etmək və beyni məşğul saxlamağın neyrodegenerasiyadan qoruduğunu üzə çıxarıb.

Tədqiqatçılar İngiltərədə orta yaşı 56 olan yarım milyona yaxın insanın ictimai sağlamlıq qeydlərini araşdırıb və sözügedən insanları dörd qrupa ayırıblar.
1. Hərəkətsiz olanlar(avtomobil və ictimai nəqliyyat),
2. Yürüş edənlər,
3.Yürüş edənlərlə hərəkətsizliyin birləşməsi ,
4. İlk növbədə velosipeddən istifadə edənlər və ya digər nəqliyyat variantları ilə birlikdə velosipeddən istifadə edənlər.

Qeyri-aktiv səyahət edənlərlə müqayisədə, velosiped sürənlərin bütün səbəblərdən yaranan demans riski 19%, altsheymer xəstəliyi riski 22%, erkən başlanğıc demans riski (65 yaşından əvvəl) 40% və gec başlanğıc demens riski 17% daha azdır.

Sözügedən məlumatların nəticəsi olaraq, tədqiqatçılar məqalədə qeyd edir:

"Bizim tapıntılarımız göstərir ki, aktiv səyahət strategiyaları, xüsusən də velosiped sürməyi təşviq etmək, orta yaşlı və yaşlı yetkinlərdə demans riskinin azalması ilə əlaqəli ola bilər. Bu, idrak sağlamlığının qorunması üçün əlçatan, davamlı təcrübələri təşviq etməklə əhəmiyyətli ictimai sağlamlıq faydaları təmin edə bilər".

Qeyd edək ki, demensiya beyin funksiyalarının tədricən zəifləməsi ilə xarakterizə olunan neyrodegenerativ bir xəstəlikdir. ağıl zəifliyi, yaddaş itkisi, düşünmə və davranış pozğunluqları ilə müşayiət olunur.

Telegramda izləyin