Nəğdsiz ödənişlər: Artan rahatlıq, yoxsa çoxalan risk? - AÇIQLAMA

"Əslində, nəğdsiz ödənişlərin artması ən çox vergidən yayınmanın qarşısını almağa xidmət edir. Yəni, nəğd ödənişlərdə vergidən yayınmaq daha asandır".

Bu sözləri Sonxeber.az-a iqtisadçı ekspert Natiq Cəfərli danışıb.

O, açıqlamasında qeyd edib ki, nəğdsiz ödənişlər vergi daxilolmalarının artmasına səbəb olur:

"Son illərdə, xüsusilə pandemiyadan sonra, biz bunu daha aydın şəkildə müşahidə etmişik. Əvvəlki illərlə müqayisədə kifayət qədər artım var.

Bundan başqa, onlayn ödənişlər və ümumiyyətlə mobil tətbiqlərdən istifadə insanların gündəlik həyatını xeyli asanlaşdırır. Məsələn, kommunal xidmətlərə, mobil operatorlara edilən ödənişlər çox rahatlıqla mobil tətbiqlər vasitəsilə həyata keçirilir. Bu da vətəndaşların davranışlarına müsbət təsir göstərir.

Eyni zamanda, nəğdsiz ödənişlərin təşviqi "ƏDV geri al" proqramının geniş tətbiqi ilə bağlı olaraq vətəndaşlara az da olsa maddi stimul yaradır. Yəni, ümumilikdə müsbət tərəfləri daha çoxdur".

Vüsalə İbrahimli

Telegramda izləyin