Xəstənin ürəyindən çıxan kütlə həkimləri heyrətləndirdi – "Möcüzəvi bir haldır"

Türkiyədə nəfəs darlığı şikayəti ilə həkimə müraciət edən Aziz Karabörkün ürəyindən çıxarılan 250 qram ağırlığında böyük kütlə tibb işçilərini də təəccübləndirib.

Sonxeber.az türk mediasına istinadən xəbər verir ki, müayinələr zamanı məlum olub ki, uşaqlıqda keçirdiyi infeksiya səbəbindən ürək qapağı zədələnib və ürəyində laxtalanma nəticəsində böyük kütlə əmələ gəlib.

Əməliyyat zamanı ürək qapağı açıldığında içəridəki kütlənin ölçüsü gözləniləndən böyük olub. Həkimlər 7 saat davam edən əməliyyatla həm ürək qapağını dəyişdirib, həm də həmin kütləni çıxarıblar.

Doç. Dr. Mehmet Kirişci bildirib ki, bu kütlə ürəkdə yaranan kütlənin böyüyərək formalaşmasıdır və vaxtında müdaxilə edilməsəydi, həyati təhlükə yarada bilərdi.

Xəstə əməliyyatdan sonra vəziyyətinin yaxşılaşdığını, sanki 20 yaş cavanlaşdığını deyib.

Telegramda izləyin