Pəhriz zamanı qarpız yemək olarmı?

Yay fəslinin sevilən meyvələrindən biri olan qarpız, göründüyü qədər zərərli deyil – əksinə, düzgün istifadə olunarsa, arıqlama prosesinə kömək də edə bilər.

Bu barədə Lent.az məlumat verir:

Qarpızın tərkibi 90%-ə qədər sudan ibarətdir, bu da onu isti havalarda orqanizmi nəmləndirmək üçün ideal məhsula çevirir. O, eyni zamanda bədəndəki artıq natriumun çıxarılmasına kömək edir. Qarpızın pulpasında ürək, dəri və immun sistemi üçün vacib olan kalium, C, A və B6 vitaminləri mövcuddur.

Faydaları:
Likopin adlı güclü antioksidant tərkibi sayəsində "pis" xolesterinin səviyyəsini azaldır və ürək-damar xəstəliklərinin riskini aşağı salır. Sitrullin amin turşusu damarları genişləndirir və qan təzyiqini tənzimləyir. Qarpızın 100 qramında cəmi 30 kkal var. Müqayisə üçün: alma – 50-60 kkal, banan – 90 kkal civarındadır. Bu səbəbdən, böyük bir porsiya belə 100 kkal həddini keçmir.

Bəs şəkəri necə?
Qarpızın qlikemik indeksi yüksək, amma qlikemik yükü aşağıdır, yəni qan şəkərinin səviyyəsini kəskin artırmır. Əgər balanslı bir qidalanma fonunda yeyilərsə, heç bir təhlükə yaratmır. Bir araşdırmaya görə, gündəlik yüksək kalorili qəlyanaltılar əvəzinə qarpız yeyən iştirakçılar daha çox çəki itirib, bədən yağ nisbətini və qan təzyiqini azaldıblar.

Amma diqqət edilməli məqamlar:
Həddindən artıq qarpız yemək həssas şəxslərdə mədə-bağırsaq narahatlıqları yarada bilər. Gecə, xüsusilə də ağır yeməklərlə birlikdə qarpız yemək tövsiyə olunmur. Qarpızın gecə yeyilməsinin "kökləndirici" olduğu fikri isə elmi cəhətdən sübut olunmayıb. Artıq çəki üçün əsas səbəb – ümumi kalori artıqlığıdır, təkcə bir axşam meyvəsi deyil.

Telegramda izləyin