10 min yox, 7000 addım yetərlidir

Avstraliya, İspaniya, Böyük Britaniya və Norveçdən olan alimlərin apardığı beynəlxalq araşdırmaya görə, gündəlik 7000 addım atmaq beyin sağlamlığını gücləndirir və bir sıra xəstəliklərin riskini azaldır.

Axşam.az xəbər verir ki, bu nəticələr "The lancet public health" jurnalında dərc olunub.

Araşdırma çərçivəsində 160 mindən çox insanın fiziki aktivliyi və sağlamlıq göstəriciləri təhlil edilib. Nəticələrə əsasən, gündə cəmi 2000 addım atanlarla müqayisədə, 7000 addım atan insanlarda demensiya riski 38%, ürək-damar xəstəlikləri riski 25%, depressiya riski 22%, xərçəng riski isə 6% daha az olub.

Eyni zamanda, 4000 addım belə 2000-ə nisbətən daha sağlam hesab edilib. Ən çox faydanın 7000 addımda əldə edildiyi, lakin ürək sağlamlığı baxımından bu həddin də üzərinə çıxmağın müsbət təsir göstərdiyi vurğulanıb.

Tədqiqatın müəllifləri bildiriblər ki, 7000 addım daha real və əlçatan məqsəd kimi göstərilir. Çünki tez-tez tövsiyə olunan 10 min addım elmi əsaslara deyil, daha çox marketinq yanaşmasına əsaslanır.

Telegramda izləyin