Yerə doğru uçan müəmmalı obyekt: Onun UNO ola biləcəyini göstərən 6 səbəb

Yerə böyük sürətlə yaxınlaşan müəmmalı obyekt narahatlığa səbəb olub. Alimlərin xəbərdarlığına görə, astronomların 31/Atlas adlandırdığı bu kosmik cisim yadplanetli gəmi ola bilər və o, Yerə zondlar göndərməyə hazırlaşır.

Soxeber.az xəbər verir ki, bu barədə "The Sun" yazıb.

Hesablamalara görə, obyektin diametri 19 kilometrdən artıqdır. Onun Günəş sistemi daxilindəki trayektoriyası 19 dekabrda Yerdən təxminən 270 milyon kilometr məsafədən keçəcək. Harvard Universitetindən astrofizik Avi Lebin rəhbərlik etdiyi üç alimdən ibarət qrup araşdırma dərc edərək, obyektin "düşmən xarakterli" texnologiya olub-olmadığını müzakirəyə çıxarıb.

Böyük Britaniya Müdafiə Nazirliyinin keçmiş əməkdaşı və NLO tədqiqatçısı Nik Poup bildirib: "31/Atlas-ın yadplanetli gəmi olması elmi-fantastikadan kənara çıxmır. Onun ölçüsü, sürətlənməsi, trayektoriyası və davranışı qeyri-adi təsir bağışlayır. Bütün bunlar kəşfiyyat missiyasına bənzəyir. Əlbəttə, bu, sadəcə kometa və ya asteroid də ola bilər – amma ulduzlararası mənşəli olduqda maraqlı və çox nadir hadisədir. Yaxşı xəbər odur ki, bu hipotezanı yoxlamaq mümkündür. Zaman keçir, biz tezliklə biləcəyik - bu, ilk təmasdırmı, yoxsa sadəcə nəhəng bir daş parçası?"

Harvard alimlərinin təklif etdiyi altı əsas fərziyyə belədir:

1. Həddindən artıq böyükdür. Asterodlər müxtəlif ölçülərdə olsa da, bu obyekt orta ölçünü xeyli üstələyir.

2. Qeyri-adi sürətlənmə. Avropa kosmik agentliyi və "Hubble" teleskopunun hesablamalarına görə, obyekt saatda 210 min km sürətlə hərəkət edir. NASA-nın məlumatına əsasən, bu, Günəş sisteminə daxil olmuş ən sürətli obyekt ola bilər.

3. Gec aşkar edilib. Obyekt qalaktikanın mərkəzi istiqamətindən daxil olduğu üçün parlaq ulduzların və işıq mənbələrinin arasında görünməyib. Ekspertlərə görə, əgər yadplanetlilər gizli şəkildə zond göndərmək istəsəydilər, bu ideal trayektoriya olardı.

4. Trayektoriyası izlənilməsi çətindir. Obyekt texnoloji manevr edə biləcəyi kritik məqamlarda Günəşin arxasında gizlənir.

5. Venera, Mars və Yupiterə yaxın keçir. Bu, kəşfiyyat missiyasını xatırladır. Belə təsadüfün təbii şəkildə baş vermə ehtimalı çox aşağıdır – təxminən 0,005%.

6. Onu görmək mümkün olmayacaq. Obyekt Yerlə maksimum yaxınlaşanda Günəş Yer ilə Atlas arasında yerləşəcək və müşahidə imkanı olmayacaq. Belə trayektoriya isə gizli manevrləri və kurs dəyişikliklərini ört-basdır etmək üçün ən əlverişli yoldur.

Telegramda izləyin