"İnformasiya və kommunikasiya texnologiyalarının inkişaf etdirilməsi Azərbaycanın gələcək inkişafının ayrılmaz tərkib hissəsidir" - DEPUTAT

"Müasir dünyada informasiya və kommunikasiya texnologiyalarının inkişafı hər bir ölkənin iqtisadi qüdrətinin, sosial rifahının və beynəlxalq rəqabət imkanlarının əsas şərtlərindən biridir. Azərbaycanın bu sahədə atdığı addımlar, həyata keçirilən dövlət proqramları, rəqəmsal transformasiya strategiyaları ölkəmizin gələcəyinə xidmət edən mühüm hədəfləri özündə ehtiva edir".

Bunu Sonxeber.az-a Milli Məclisin deputatı, Ana Vətən Partiyasının sədr müavini Günay Ağamalı bildirib.

Deputat qeyd edib ki, cənab prezidenti İlham Əliyevin rəhbərliyi ilə həyata keçirilən islahatların nəticəsində dövlət idarəçiliyində rəqəmsallaşma, elektron xidmətlərin genişləndirilməsi və süni intellekt əsaslı tətbiqlərin inkişafı qısa müddətdə real nəticələrini göstərməkdədir:

"Bu proses həm vətəndaşların həyatını asanlaşdırır, həm də dövlətin çevik və şəffaf idarəetməsini təmin edir. Xüsusilə, dövlət başçısının avqustun 8-də baş tutan Vaşinqton səfəri çərçivəsində ABŞ-ğla müdafiə, təhlükəsizlik, eyni zamanda süni intellekt sahəsində əməkdaşlığda yeni səhifənin açılması Azərbaycanın bu kontekstdə gücünü daha da artıracaq. Amerika Birləşmiş Ştatları heç şübhəsiz ki, sözügedən istiqamət üzrə dünya lideridir və onlara qurulan əməkdaşlıq ölkəmiz üçün yeni perspektivlər vəd edir. İnformasiya texnologiyalarının inkişafı iqtisadiyyat, elm, təhsil, səhiyyə, milli təhlükəsizlik və müdafiə sahələri üçün strateji əhəmiyyət daşıyır. Xüsusilə, gənclərin bu sahədə bilik və bacarıqlarının artırılması, startap ekosisteminin dəstəklənməsi və innovativ təşəbbüslərin reallaşdırılması Azərbaycanın rəqəmsal gələcəyini daha da möhkəmləndirəcək.

Hesab edirəm ki, informasiya və kommunikasiya texnologiyalarının inkişaf etdirilməsi Azərbaycanın gələcək inkişafının ayrılmaz tərkib hissəsidir. Bu sahəyə davamlı diqqət göstərilməsi, yeni layihələrin dəstəklənməsi və beynəlxalq əməkdaşlıqların gücləndirilməsi dövlətimizin qlobal rəqəmsal məkanda mövqelərini daha da gücləndirəcəkdir.

P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "İnformasiya və kommunikasiya texnologiyalarının inkişaf etdirilməsi" mövzusuna uyğun olaraq dərc edilir.

Telegramda izləyin