Göz yaşlarınızı əsla saxlamayın - SƏBƏB?

"Göz yaşlarını saxlamaq immunitetin zəifləməsinə gətirib çıxarır".

Ölkə.az "Metropoles" nəşrinə istinadla xəbər verir ki, bu barədə psixiatr Yago Fernandes danışıb.

O, göz yaşlarımızı və digər emosiyalarımızı saxlamamağa çağırıb. Psixiatr bu vərdişi sağlamlıq üçün təhlükəli adlandırıb.

Onun sözlərinə görə, emosiyaları boğmaq onların yoxa çıxmasına səbəb olmur. Lakin ifadə olunmayan hisslər stress sistemini aktivləşdirir və bununla da orqanizmi yüksək döyüş hazırlığı vəziyyətinə keçirir. Mütəxəssis bildirib ki, bu, narahatlıq pozuntuları, depressiya və yuxusuzluq yarada bilər.

Bundan əlavə, o vurğulayıb ki, emosiyaları saxlamaq orqanizmdə xroniki bədən ağrısı, yorğunluq və immunitetin zəifləməsi kimi fiziki reaksiyaların yaranma riskini əhəmiyyətli dərəcədə artırır. Psixiatr qeyd edib ki, ağlamaqdan sonra parasimpatik sinir sistemi aktivləşir, bu isə qan təzyiqini və ürək döyüntülərinin tezliyini azaldır, həmçinin stressin digər nəticələrini neytrallaşdırır.

Telegramda izləyin