96 yaşlı çətir ustası: "Mənim üçün ən yaxşı şey işləməkdir"

Türkiyənin ən yaşlı çətir təmircisi kimi tanınan 96 yaşlı Dursun Yıldız, yaşına baxmayaraq eynək taxmadan çətir təmir etməyə davam edir.

Sonxeber.az türk mediasına istinadən xəbər verir ki, "Samsunun Bədistan bazarında 70 ildən artıqdır ki, fəaliyyət göstərən Yıldız, bazar günləri də daxil olmaqla hər gün dükanında işləyir.

Samsunda bu sənətin son təmsilçisi olan, 4 övlad atası Yıldız gün ərzində orta hesabla 5 çətir təmir edir. Xüsusilə payız və qış aylarında vətəndaşların böyük marağı ilə qarşılaşan usta, yalnız bir dəfə bazar günü evdə qaldığını, ancaq işləməyəndə darıxdığını bildirib:

"İşləmədən dura bilmirəm. Bazar günləri də gəlirəm, çünki işləmək istəyirəm. Mənim üçün ən yaxşı şey işləməkdir".

Usta əlavə edib:

"Özümü tərifləyə bilmərəm, insanın özünü öyməsi ədəbsizlikdir. 50 ildir çətir təmir edirəm. Ondan əvvəl kənddə dərzi idim. Çətir təmirini ustadan öyrənmədim, maraqla köhnələrə baxaraq yenisini öyrəndim. İşləmək üçün həvəsli olmaq lazımdır. Evdə dura bilmirəm, işləməsəm bacarmıram. Övladlarım işləməyimi istəmir, amma mənə qarışa bilməzlər. İşimi görürəm, halallıqla 3-5 qəpik nədirsə qazanıram".

Samsun sakinləri tərəfindən Bədistan Çarşısının simvolu kimi görülən Dursun Yıldız, şəhərin yeganə çətir ustası olaraq payız və qış mövsümlərində daha da çox müraciətlə qarşılaşır.

Telegramda izləyin