Bu universitetlərin diplomları Azərbaycanda tanınmır (SİYAHI)

Son illər xaricdə ali təhsil almış şəxslərin diplomlarının tanınması ilə bağlı müraciətlərin sayı artmaqda davam edir.

Son 3 ildə ali təhsil sənədlərinə ən çox imtina verilmiş universitetlər hansılardır?

AzEdu.az mövzu ilə bağlı Təhsildə Keyfiyyət Təminatı Agentliyinə (TKTA) sorğu ünvanlayıb.

Sorğumuza cavab olaraq bildirilib ki, agentliyinə edilən müraciətlər əsasında aparılmış ekspertizanın nəticəsinə uyğun olaraq, kvalifikasiyaların tanınması ilə bağlı ən çox imtina alan ölkələr və müvafiq olaraq ən çox imtina alan universitetlərin siyahısını təqdim edirik:

TKTA-nın təqdim etdiyi rəsmi məlumata əsasən, tanınma üzrə ən çox imtina alan ali təhsil sənədləri aşağıdakı ölkələrə aiddir:

1.Rusiya Federasiyası
2.Ukrayna
3.Gürcüstan

Ekspertiza nəticəsində aşağıdakı ali təhsil müəssisələri üzrə verilən sənədlərin böyük əksəriyyətinə tanınma imtinası verilib. Siyahıda universitetin yerləşdiyi ölkə və imtina faizləri göstərilib:

Gürcüstan Avropa Tədris Universiteti – 100%
Ukrayna Şərqi Avropa İqtisadiyyat və İdarəetmə Universiteti – 99%
Gürcüstan Yeni Universiteti – 98%
Ukrayna Avqustin Voloşin adına Karpat Universiteti – 93%
Rusiya Federasiyası Sankt-Peterburq Xarici İqtisadi Əlaqələr, İqtisadiyyat və Hüquq İnstitutu – 92%
Rusiya Federasiyası Cənubi Rusiya Humanitar İnstitutu – 86%
Rusiya Federasiyası Dərbənd Humanitar İnstitutu – 85%
Rusiya Federasiyası Müasir Humanitar Akademiya – 83%
Rusiya Federasiyası Sankt-Peterburq Dövlət Mülki Aviasiya Universiteti – 81%
Rusiya Federasiyası Dünya İqtisadiyyatı İnstitutu – 79%
Rusiya Federasiyası Dağıstan Təhsil və Mədəniyyət Akademiyası – 78%
Rusiya Federasiyası İvanovo Dövlət Universiteti – 76%
Gürcüstan Millenium Tədris Universiteti – 73%
Gürcüstan Beynəlxalq Tədris Universiteti – 72%
Ukrayna Avropa Universiteti – 71%
Gürcüstan Tbilisi Açıq Tədris Universiteti – 66%
Rusiya Federasiyası Moskva Sahibkarlıq və Hüquq İnstitutu – 66%
Rusiya Federasiyası Dövlət Turizm və Xidmət Universiteti – 60%
Rusiya Federasiyası Cənub Federal Universiteti – 60%
Ukrayna T. Şevçenko adına Luqansk Milli Universiteti – 58%
Rusiya Federasiyası Sankt-Peterburq Dövlət Mülki Aviasiya Universiteti – 58%
Rusiya Federasiyası Maliyyə və Hüquq İnstitutu – 55%
Ukrayna Milli Aerokosmik Universiteti "Xarkov Aviasiya İnstitutu" – 55%
Rusiya Federasiyası Dərbənd İncəsənət və Mədəniyyət İnstitutu – 55%
Ukrayna Poltava İqtisadiyyat və Ticarət Universiteti – 53%
Gürcüstan Kənd Təsərrüfatı Universiteti – 52%
Rusiya Federasiyası "Sinergiya" Moskva Maliyyə-Sənaye Universiteti – 52%
Gürcüstan Tbilisi Humanitar Tədris Universiteti – 51%
Rusiya Federasiyası Moskva Politexnik Universiteti – 51%
Ukrayna Regionlararası Heyətin İdarəolunması Akademiyası – 50%
Ukrayna Xarkov Dövlət Qida Texnologiyası və Ticarət Universiteti – 50%
Gürcüstan Suxişvili Tədris Universiteti – 50%

TKTA-nın nümayəndələri bildirir ki, bu nəticələr ali təhsil almaq üçün xaricə üz tutmaq istəyən vətəndaşlar üçün önəmli siqnaldır. Namizədlərə tövsiyə olunur ki, xarici universitet seçərkən həmin ali məktəbin akkreditasiyası, tədris forması və tanınma meyarlarına uyğunluğu ilə bağlı əvvəlcədən məlumat əldə etsinlər",- deyə TTKA-dan məlumat verilib.

Telegramda izləyin