Metroda yeni dövr başlayır: Artıq ödənişləri BU CÜR EDƏCƏKSİNİZ

Bakı Metropolitenində tələbə kartları ilə təmassız ödəniş sistemi sınaqdan keçirilir. Bu addım ictimai nəqliyyatda innovativ ödəniş üsullarının tətbiqi istiqamətində atılan növbəti addım hesab olunur.

Bəs, əgər layihə uğurlu alınarsa, gələcəkdə bütün sərnişin kartlarının (şagird, müəllim, sosial kart və s.) bu sistemə inteqrasiyası mümkün olacaqmı?

Konkret.az-a açıqlama verən nəqliyyat məsələləri üzrə ekspert Aslan Əsədovun sözlərinə görə, proses hələlik test mərhələsindədir:

"Bakıkart ilə Bakı Metropoliteninin birgə əməkdaşlığı çərçivəsində həyata keçirilən bu layihəyə gələcəkdə həm özəl, həm də dövlət banklarının dəstəyinin olacağı gözlənilir. Əgər sistem uğurlu olarsa, tələbələr, yaşlılar və digər güzəştli kateqoriyadan olan sərnişinlər üçün gediş haqlarında güzəştlərin tətbiqi mümkündür."

Ekspert qeyd edib ki, bu tip texnoloji yeniliklər gələcəkdə nəqliyyatda ödəniş prosesini daha sürətli və çevik edəcək:

"Bu, innovativ və müasir texnologiyalara əsaslanır. Hazırda məktəblilər üçün gediş haqqı ödənişlidir, lakin məktəb yaşına çatmayan azyaşlılar üçün metrodan istifadə tam pulsuzdur."
Əsədovun sözlərinə görə, layihə uğurla nəticələnərsə, yaxın illərdə bütün sosial və güzəştli sərnişin kartlarının bu sistemə inteqrasiyası reallaşa bilər.

Telegramda izləyin