"TEMU Azərbaycanda çatdırılma və ya geri qaytarma siyasətində heç bir dəyişiklik etməyib" - AÇIQLAMA

Temu bir müddətdir ki, endirim kartlarını ləğv edib.

Bu barədə bir-neçə gün əvvəl mediada məlumat yayılıb. Bildirilib ki, Temu gündəlik endirim kartları müştərilərə artıq təqdim olunmur.

Bundan əlavə, artıq zədələnmiş məhsula görə də Temu endirim etmir. Artıq bir neçə müştəri zədələnmiş məhsula görə pul itirdiyini qeyd edir. Belə ki, Temu geri ödənişlə bağlı qaydaları tam sərtləşdirib, çatdırılmanı isə pullu etməyi planlayır.

Məsələ ilə bağlı Temu Azərbaycan şirkətindən Sonxeber.az -a açıqlama verilib:

"TEMU Azərbaycanda çatdırılma və ya geri qaytarma siyasətində heç bir dəyişiklik etməyib. Müştərilər pulsuz standart göndərmə və 90 günlük geri qaytarma siyasətindən istifadə etməyə davam edə bilərlər. Mövcud promolar, bonuslar və ya xidmət təfərrüatları haqqında ən dəqiq və aktual məlumat üçün istifadəçilərə TEMU tətbiqinə müraciət etmələri və ya birbaşa müştəri xidmətləri komandamızla əlaqə saxlamaları tövsiyə olunur".

Telegramda izləyin