"Xarab çıxdı" deyə paylaşdığı cheesecake videosu gündəm oldu: "Paxlavaçı ilə düşmən olduq"- VİDEO

Bir qadın, sifariş etdiyi cheesecake-in xarab olduğunu iddia edərək həmin anları sosial şəbəkədə paylaşıb. Videoda şirniyyatın "plastik kimi göründüyünü" söyləyən qadın, markanın adını gizlədərək paylaşdığı görüntülərin TikTok və Instagram-da qısa müddətdə yüksək baxış sayı topladığını bildirib.

Sonxeber.az türk mediasına istinadən xəbər verir ki, videonun sürətlə yayılmasından sonra markanın məsul şəxslərinin vəziyyətdən xəbərdar olduğu və korporativ əlaqələr şöbəsinə "videonun sildirilməsi" barədə göstəriş verdikləri iddia edilib. Qadın, şirkət tərəfindən Instagram üzərindən onunla əlaqə saxlanıldığını və danışıq üçün nömrəsini göndərdiyini deyib.

Qadın telefon zəngində yaşananları belə izah edib:

"Şirkət sahibi mənə çox sərt tonda "O videonu sil" dedi. Mən isə bildirdim ki, reklamçıyam və bu üslubla videonu sildirə bilməzsiniz. "Hüquqi yollara başvuracağı" dedilər. "Buyurun, başvurun" dedim. Mən pul verib aldığım xarab məhsulu paylaşıram. Bundan nə qazanacaqsınız?"

Qadın, danışıq zamanı şirkət sahibinin ünsiyyət tərzini tənqid edərək əlavə edib:

"Ona dedim ki, siz korporativ əlaqələr müdürüsünüz, amma ünsiyyət qura bilmirsiniz. Sonra mənim nömrəmi yaddaşa salıblar. Mən də onların nömrəsini qeyd etdim. Bəzən paylaşdığım storilərə baxırlar".

Qadının iddiasına görə, müdür söhbətin sonunda ona belə deyib:

"Cheesecake yemisiniz, amma bizim paxlavamız yaxşı idi".

Baş verənlərin ardından artıq həmin şirkətə gedə bilmədiyini bildirən qadın vəziyyəti belə ifadə edib:

"Paxlavaçı ilə düşmən olduq".

Telegramda izləyin