Bu kafedə futbol azarkeşləri üçün asılan yazı gündəm olub

Dünya çempionatı pley-off mərhələsinin final oyunu öncəsi diqqət çəkən jest gündəmə gəlib.

Sonxeber.az türk mediasına istinadən xəbər verir ki, Türkiyə milli futbol komandası ilə Kosovo milli futbol komandası arasında keçiriləcək həlledici qarşılaşma ərəfəsində Priştina şəhərində yerləşən bir kafe türk azarkeşlərə pulsuz çay və qəhvə təklif edib.

Kafenin girişində asılan yazıda "Bütün türk azarkeşlərə çay və qəhvə bizdən. 1999-cu ildə siz ödədiniz, bu gün heç bir borcunuz yoxdur" sözləri yer alıb.

Tarixi məna daşıyan bu mesaj qısa müddətdə sosial şəbəkələrdə geniş yayılıb və bir çox istifadəçi tərəfindən duyğulandırıcı jest kimi qiymətləndirilib.

Oyundan əvvəl edilən bu addım iki ölkə arasında dostluq və həmrəylik bağlarını yenidən gündəmə gətirərkən, azarkeşlər arasında da böyük rəğbətlə qarşılanıb.

Telegramda izləyin