Şam yeməyini bu saatda yeyən xəstəxananın yolunu unudur

Axşam yeməyində nə yediyiniz qədər, onu hansı saat aralığında istehlak etdiyiniz də böyük önəm daşıyır. Şam yeməyinin vaxtı qidaların bədənimizə göstərdiyi sağlamlıq təsirlərini müəyyən edir. Mütəxəssislər ideal saat aralıqlarını açıqlayıblar.

Milli.Az xəbər verir ki, mütəxəssislər tərəfindən aparılan müstəqil klinik araşdırmalar axşam yeməyinin erkən saatlarda yeyilməsinin sağlamlıq üzərində müsbət təsirlərini ortaya qoyub. Ortaq rəyə görə, şam yeməyi yatmazdan ən az 3 saat əvvəl yeyilməlidir. İdeal yuxu saatı olan 23:00-ı əsas götürsək, 18:00 ilə 19:30 arası yemək fasiləsini bağlamaq ən sağlam üsul hesab olunur.

Erkən saatlarda qidalanmağın insan orqanizmi üçün bir çox üstünlükləri var:

Metabolizmanı sürətləndirir: İnsan bədəninin insulin həssaslığı gün ərzində ən yüksək səviyyədə olur və axşama doğru düşməyə başlayır. Gec saatda yeyilən ağır yeməklər qan şəkərinin yüksəlməsinə və çəki artımına səbəb olur. Erkən yemək bu disbalansın qarşısını alır.

Yuxu keyfiyyətini artırır: Gec yemək yeyildikdə bədənin "istirahət rejiminə" keçməsi çətinləşir. Erkən yedikdə isə həzm prosesi tamamlanır və orqanizm rahat yuxuya hazır olur.

Həzmə kömək edir: Yeməkdən dərhal sonra uzanmaq qidaların yemək borusuna qaçmasına və reflüksə (mədə qıcqırması) səbəb ola bilər. Yatmazdan 3 saat əvvəl yemək həzm sistemini qoruyur.

Ürək sağlamlığını qoruyur: Gec saatda qidalanmaq gecə boyu qan təzyiqinin yüksək qalmasına gətirib çıxara bilər. Erkən yemək təzyiqin normal səviyyədə qalmasına kömək edir.

Xəstəliklərdən qorunmaq üçün "12 saat qaydası"
Sağlamlıq tövsiyələri arasında ön plana çıxan ən mühüm nöqtələrdən biri 12 saat qaydasıdır. Bu qaydaya görə:

Axşam yeməyi növbəti günün səhər yeməyindən ən az 12 saat əvvəl yeyilməlidir. Bu müddət ərzində yaranan aclıq hüceyrələrin yenilənməsini və piylərin yanmasını dəstəkləyir.

Əgər şam yeməyini gec yemək məcburiyyətindəsinizsə, mütəxəssislər həzmi asan olan yüngül qidalara üstünlük verməyi tövsiyə edirlər. Bu sadə, lakin təsirli vərdişlər sayəsində bədəninizin təbii ritmini qoruya və xəstəliklərdən müdafiə oluna bilərsiniz.

Telegramda izləyin