Suçiçəyi haqqında nəyi biləməliyik?

"Suçiçəyi və suçiçəyi əlamətləri adətən uşaqlarda rast gəlinən və Varicella Zoster Virus (VZV) (Herpes III) tərəfindən törədilən yoluxucu xəstəlikdir. Bu xəstəlik xüsusilə immun sistemi zəif olan uşaqlar üçün daha ağır fəsadlara səbəb ola bilər. Suçiçəyi bir şəxsdən digərinə öskürək və ya asqırma yolu ilə ötürülür. Xəstəliyə daha çox qış və yaz aylarında rast gəlinir".

Bu sözləri Sonxeber.az-a Tibb üzrə fəlsəfə doktoru, həkim Ramin Qasımov danışıb.

O, açıqlamasında qeyd edib ki, suçiçəyi adətən yüngül və özünü məhdudlaşdıran xəstəlikdir, lakin bəzi hallarda ciddi fəsadlara səbəb ola bilir:

"Suçiçəyi əlamətləri olan bir şəxs virusa yoluxduqdan sonra təxminən 10-21 gün ərzində simptomlar göstərməyə bilər. Bu dövrdə virus yoluxucudur. Uşaqlarda suçiçəyi əlamətlərinə aşağıdakılar aid edilə bilər. Suçiçəyi necə olur sualı tez-tez valideynlər və xəstəliyin əlamətləri ilə qarşılaşan şəxslər tərəfindən verilən bir sualdır. Belə ki, suçiçəyinin əlamətləri daha tez üzə çıxarsa, onun müalicəsi daha effektiv və tez zamanda ola bilər. Suçiçəyi adətən dəridə qabarcıqlar, qaşınma və xoşagəlməz səpkilər şəklində özünü büruzə verir, bu da uşağın narahatlıq hiss etməsinə səbəb olur.

Daha dəqiq, yəni mütəxəssislər tərəfindən, peşəkar həkimlərin "suçiçəyi necə olur" sualına verdikləri cavabda bu xəstəliyin Varicella Zoster Virus (VZV) tərəfindən törədildiyi və tənəffüs damcıları vasitəsilə insandan-insana keçdiyi vurğulanır. Bu səbəbdən xəstəliklə qarşılaşan şəxslərin sağlam mühitdə saxlanılması, gigiyenik qaydalara riayət etməsi və tibbi müşahidə altında olmaları mühüm əhəmiyyət kəsb edir.

Uşaqlardakından fərqli olaraq böyük insanlarda suçiçəyi daha ağır gedişata malik ola bilir. Yetkinlərdə xəstəliyin simptomları - dəridə qabarcıqlar, qaşıntı, temperaturun yüksəlməsi, halsızlıq və ümumi zəiflik kimi özünü göstərsə də, fəsadların yaranma riski uşaqlardakına nisbətən daha yüksək olur. Məsələn, böyüklərdə suçiçəyi pnevmoniya, beyin iltihabı (ensefalit) və hətta nadir hallarda ölümcül nəticələrə yol aça bilər. Bu səbəbdən yaşlı şəxslər xəstəliyə yoluxduqda daha diqqətli olmalı, vaxtında həkimə müraciət etməli və lazımi müalicə vasitələri ilə yanaşı, yüksək dərəcədə gigiyena və istirahətə xüsusi önəm verməlidirlər. Qeyd edək ki, bu hallar suçiçəyi peyvəndi olunmamış böyüklər üçün daha risklidir".

Vüsalə İbrahimli

Telegramda izləyin