Burada barmaqarası ayaqqabı geyinənlər cərimələnə bilər

İtaliyanın turistlər arasında böyük populyarlıq qazanan Cinque Terre bölgəsində təhlükəsizlik qaydaları yenidən gündəmə gəlib. Bölgə rəhbərliyi yay mövsümünün başlanması ilə əlaqədar ziyarətçilərə yürüyüş marşrutlarında uyğun ayaqqabı geyinməyin vacibliyini bir daha xatırladıb.

Sonxeber.az türk mediasına istinadən xəbər verir ki, məlumata görə, məşhur yürüş cığırlarında barmaqarası tərlik və ya təhlükəsizlik baxımından uyğun hesab edilməyən ayaqqabılarla hərəkət edən turistlər yüksək məbləğdə cərimələrlə üzləşə bilərlər. Qaydanı pozan şəxslərə tətbiq olunan cərimənin məbləği 130 min TL-dən çox ola bilər.

Rəsmilər bildiriblər ki, sözügedən məhdudiyyət ziyarətçilərin təhlükəsizliyinin təmin olunması məqsədi daşıyır. Dağlıq və qayalıq ərazilərdən keçən marşrutlarda uyğun olmayan ayaqqabılarla hərəkət etmək qəza riskini artırır.

Qeyd edək ki, möhtəşəm təbiəti və mənzərələri ilə tanınan Cinque Terre hər il milyonlarla turistin ziyarət etdiyi İtaliyanın ən məşhur turizm məkanlarından biridir.

Telegramda izləyin