33 yaşlı qadına dəhşət yaşatdı - VİDEO

Türkiyənin Ankara şəhərində 33 yaşlı qadının işlətdiyi gözəllik salonunu və avtomobilini yandıran, daha sonra isə ona ov tüfəngi ilə atəş açan 47 yaşlı şəxs məhkəmənin qərarı ilə həbs edilib.

Sonxeber.az xarici mediaya istinadla xəbər verir ki, hadisə zamanı qadın qaçaraq xilas olub və xəsarət almayıb. Yanğın isə yanğınsöndürənlər tərəfindən söndürülüb.

İki uşaq anası olan zərərçəkən bildirib ki, şübhəli son iki il ərzində onu sosial şəbəkələr vasitəsilə davamlı narahat edib, münasibət təklifini rədd etdikdən sonra isə təhdid və təqiblərini artırıb.

Qadının sözlərinə görə, şübhəli polis bölməsində də onu hədələyərək, azadlığa çıxacağı təqdirdə planını davam etdirəcəyini deyib. Zərərçəkən təhlükəsizliyi üçün həmin şəxsin həbsdə qalmasını istədiyini bildirib.

Telegramda izləyin