David Seliverstov Çingiz Qənizadənin yalanını ifşa etdi: "Ofisində görüşək, işçilərin kofe verər yarım saat söhbət edərik" - Video

Xəbər verdiyimiz kimi Demokratiya və İnsan Hüquqları Komitəsi" İB-nin sədri Çingiz Qənizadə son 15 güne yaxındır ki, "Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri David Seliverstov haqqında bir neçə iddia irəli sürür. Həmin iddialar arasında David Seliverstovla heç bir əlaqəsinin olmadığını və onunla yalnız Dağ Yəhudiləri İcmasının tədbirində görməsidir. David Seliverstov özünün şəxsi "Facebook"səhifəsində Çingiz Qənizadənin yalanını ifşa edən video paylaşıb. Həmin videoda David Seliverstovla Çingiz Qənizadənin yazışmaları da var. Yazışmalar da Çingiz Qənizadə bir tələbənin 1000 manatlıq təhsil haqqını ödəməsi istənilir. Maraqlı məqam isə Çingiz Qənizadə David Seliverstova əziz qardaşım deyərək təhsil haqqını ödədikdən sonra öncə olduğu kimi qəbzi ona göndərməsini istəməsidir. Digər önəmli məqam Çingiz Qənizadənin David Seliverstovla ofisində kofe içmək üçün görüşmək istəməsidir. Burada belə bir sual ortaya çıxır. Çingiz Qənizadə David Seliverstovu tanımırsa və münasibəti olmayıbsa ofisinin yerini necə bilməsi və əvvəlki kimi qəbzi göndərərsən dedik də hansı ödənilmiş pullardan söhbət gedir. Ən önəmlisi isə David Seliverstov dələduz və fırıldaqçıdirsa niyə təhsil haqqının ödənilməsi üçün ona müraciət edib?

Məsələ ilə bağlı Sonxeber.az-a danışan "Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri David Seliverstov bildirib ki, Çingiz Qənizadə mənə qarşı kampaniyası başladıb:

"Mən bu günlər ərzində susdum və dediklərini önəmsədim. Amma o ailəmə toxunaraq məni məcbur etdi. Bundan sonra mənə qarşı qarayaxma kampaniyası basladanlara qarşı mübarizəmi sona qədər davam edəcəm.

David Seliverstov bildirib ki, son günlər ərzində haqqında səsləndirilən fikirlərə dərhal cavab verməməsinin əsas səbəbi məsələnin daha da böyüməsinin qarşısını almaq və ictimaiyyətin diqqətini qarşılıqlı ittihamlara yönəltməmək olub:

"Mən bir müddət susmağa üstünlük verdim. Haqqımda deyilənləri diqqətlə izlədim, müxtəlif fikirlərin səsləndirilməsinə baxmayaraq, emosional reaksiya vermədim. Düşündüm ki, zaman keçdikcə həqiqət özü ortaya çıxacaq. Mənim üçün əsas məsələ gördüyüm işlər, ictimai fəaliyyətim və insanlara göstərdiyim dəstəkdir. Lakin son mərhələdə məsələ artıq mənim şəxsiyyətim və fəaliyyətimlə məhdudlaşmayıb. Ailə üzvlərim haqqında fikirlərin səsləndirilməsi, onların adlarının bu müzakirələrə cəlb olunması mənim susmaq qərarımı dəyişməyə məcbur etdi.

Mənimlə bağlı hansısa iddiası olan şəxs konkret fakt və sübutlarını ortaya qoymalıdır. İttihamların yalnız media üzərindən səsləndirilməsi, qarşı tərəfin mövqeyi öyrənilmədən ictimaiyyətə təqdim edilməsi obyektivlik baxımından ciddi suallar yaradır. Mən heç kimdən xüsusi münasibət və güzəşt tələb etmirəm. Sadəcə olaraq, haqqımda məlumat yayılan zaman mənə də həmin məlumatlara cavab vermək, öz mövqeyimi bildirmək və həqiqətləri ictimaiyyətə çatdırmaq imkanı verilməlidir.Təəssüf edirəm ki, bəzi hallarda məsələnin mahiyyəti araşdırılmadan müxtəlif ağır ifadələr və ittihamlar ictimaiyyətə təqdim edilir. Halbuki hər bir insanın şərəf və ləyaqətinin, işgüzar nüfuzunun və şəxsi həyatının qorunması hüququ var".

David Seliverstov vurğulayıb ki, mənə qarşı başladıldığını düşündüyüm bu qarayaxma kampaniyasının hansı məqsədə xidmət etdiyini dəqiq söyləmək istəm
Lakin bir məsələni açıq şəkildə bəyan edirəm: heç bir kampaniya, təzyiq və ictimai qınaq məni hüquqi mübarizədən geri çəkə bilməz. Fəaliyyətim cəmiyyətə açıqdır. "Magen David Azerbaijan" çərçivəsində həyata keçirilən humanitar, xeyriyyəçilik və insan hüquqları ilə bağlı fəaliyyətin məqsədi insanlara dəstək olmaqdır. Bu fəaliyyətlə bağlı hər hansı sual varsa, həmin sualların qanun çərçivəsində araşdırılmasına hazıram.Ancaq ictimai fəaliyyət göstərən insan olmaq o demək deyil ki, həmin şəxsin ailəsi, yaxınları və şəxsi həyatı əsassız şəkildə müzakirəyə çıxarıla bilər. Mənim ailə üzvlərimin heç birinin mənim barəmdə irəli sürülən iddialarla əlaqəsi yoxdur. Ailəmə qarşı hər hansı təzyiq və ya qarayaxma cəhdini qəbuledilməz hesab edirəm.

Çingiz Qənizadənin son günlər mənimlə bağlı səsləndirdiyi fikirlərə gəlincə, mən onun mövqeyini eşitmişəm. Mən indiyədək məsələyə qarşı tərəfi təhqir etməklə və ya şəxsi müstəvidə qarşıdurma yaratmaqla cavab verməmişəm. Bundan sonra da eyni mövqedə qalmaq niyyətindəyəm. Mənim cavabım faktlar, sənədlər və hüquqi müstəvi üzərində olacaq və bütün hüquqi imkanlarımdan istifadə edəcəyəm. Hesab edirəm ki, hüquqi dövlətin əsas prinsiplərindən biri məhz budur: hər bir iddia sübutlarla təsdiqlənməli, hər bir tərəfin mövqeyi dinlənilməli və qərar emosiyalar əsasında deyil, faktlar əsasında qəbul edilməlidir.

Mən media nümayəndələrinə də müraciət edirəm. Jurnalistlərdən xahişim budur ki, mənim barəmdə məlumat yayımlayarkən həmin məlumatların mənbəyini, doğruluğunu və hüquqi əsaslarını araşdırsınlar. Əgər mənə qarşı hansısa ittiham səsləndirilirsə, qarşı tərəfin mövqeyinin də materialda əks olunması vacibdir.
Mən heç bir media qurumunun fəaliyyətinə müdaxilə etmək niyyətində deyiləm. Əksinə, azad və məsuliyyətli medianın cəmiyyət üçün mühüm rol oynadığını düşünürəm. Lakin media azadlığı ilə yanaşı, məlumatın doğruluğu və şəxslərin hüquqlarına hörmət də mühüm prinsipdir.

Məqsədim kiminsə nüfuzuna xələl gətirmək deyil. Mən yalnız öz hüquqlarımı, ailəmin hüquqlarını və illər ərzində formalaşdırdığım ictimai və işgüzar nüfuzumu qorumaq istəyirəm.Bundan sonra haqqımda yayılan məlumatların hər birini diqqətlə izləyəcəyəm. Həqiqətə uyğun olmayan, şərəf və ləyaqətimə, ailəmin nüfuzuna və işgüzar fəaliyyətimə zərər vuran məlumatlarla bağlı qanunvericiliyin verdiyi imkanlardan istifadə edəcəyəm".

David Seliverstov söyləyib ki, mövqeyim prinsipialdır: heç kimlə şəxsi münaqişə aparmaq niyyətində deyiləm. Lakin mənə və ailəmə qarşı qarayaxma kampaniyası davam etdirilərsə, buna susmayacağam.
Mən bu məsələnin sonuna qədər gedəcəyəm. Bütün iddiaların hüquqi müstəvidə araşdırılmasını, həqiqətin faktlar əsasında müəyyənləşdirilməsini istəyirəm. Mənim üçün ən vacib olan budur ki, ictimaiyyətə həqiqət təqdim olunsun.
Bir daha bəyan edirəm: mənimlə bağlı hər hansı konkret iddia varsa, həmin iddianın hüquqi qaydada və sübutlarla ortaya qoyulmasını tələb edirəm. Mən də öz hüquqlarımı qanun çərçivəsində qoruyacağam. Çingiz Qənizadə ilə bağlı bütün faktları həm hüquq mühafizə orqanlarına təqdim edecəm, həm də onun yalanlarını sosial şəbəkələrdəki şəxsi səhifəmdə ifşa edecem. Düşünürəm ki, kifayət qədər səbr etdim.Bu gündən etibarən mənim əsas prinsipim budur: emosiyalara deyil, faktlara; qarşıdurmaya deyil, hüquqa; qarayaxmaya deyil, həqiqətə söykənəcəyəm.Mənə qarşı başladıldığını düşündüyüm kampaniyaya hüquqi və ictimai müstəvidə sona qədər cavab verəcəyəm. Ailəmin bu prosesə cəlb edilməsinə isə heç bir halda imkan verməyəcəyəm".

Məsələ ilə bağlı qarşı tərəfin mövqeyini dərc etməyə hazırıq.

David Seliverstovla Çingiz Qənizadənin qeyd etdiyimiz danışığını aşağıdakı linkdən izləyə bilərsiniz:

https://www.facebook.com/share/v/1EQafz7FCy/

Telegramda izləyin