Azərbaycanda manatla geniş pul kütləsi 20 %-ə yaxın artıb

Bu ilin avqustun 1-nə Azərbaycanda geniş mənada pul kütləsi (M3 aqreqatı) 53 milyard 925,5 milyon manat təşkil edib.

"Report" Azərbaycan Mərkəzi Bankına (AMB) istinadən xəbər verir ki, bu, iyulun 1-i ilə müqayisədə 1,9 %, ilin əvvəlinə nisbətən 8,15 %, 2025-ci ilin avqustun 1-i ilə müqayisədə 13,1 % çoxdur.

O cümlədən, manatla pul kütləsi (M2 aqreqatı) 43 milyard 841,8 milyon manat olub ki, bu da aylıq müqayisədə 1,4 %, ilin əvvəlinə nisbətən 8,5 %, ötən ilin avqustun 1-i ilə müqayisədə 19,6 % çoxdur.

Hesabat tarixinə tələbli depozitlər (M1 pul aqreqatı) 33 milyard 641,7 milyon manat təşkil edib ki, bu da, aylıq müqayisədə cüzi, ilin əvvəlinə nisbətən 4,5 %, 2025-ci ilin iyulun 1-i ilə ilə müqayisədə 15,9 % çoxdur.

Avqustun 1-nə banklardan kənarda olan nağd pul kütləsi (M0 aqreqatı) isə 18 milyard 994,8 milyon manat olub ki, bu da aylıq müqayisədə 0,9 %, ilin əvvəlinə nisbətən 6,8 %, ötən ilin iyulun 1-i ilə müqayisədə 15,1 % çoxdur.

Telegramda izləyin