Qida təhlükəsizliyi: süfrəmizə gələn məhsullara nə qədər GÜVƏNİRİK? -AÇIQLAMA

Qida təhlükəsizliyi insan sağlamlığının qorunmasının əsas şərtlərindən biridir. Süfrəmizə gələn məhsulun keyfiyyəti, saxlanma şəraiti və hazırlanma qaydaları sağlamlığımıza birbaşa təsir edir. Bəs qida məhsullarının təhlükəsizliyinə nə dərəcədə diqqət edirik?

Mövzu ilə bağlı "Refresh Group" MMC-nin baş icraçı direktoru, qida mütəxəssisi Seymur Qafarov Sonxeber.az- a açıqlama verib:

"Bildiyiniz kimi günlük olaraq ərzaq məhsullarının təminatında qida təhlükəsizliyi ilə bağlı əməl edilməli olan bir sıra vacib məqamlar vardır. Ümumiyyətlə, gündəlik süfrəmizə gələn qida məhsulları beynəlxalq yanaşma ilə "tarladan süfrəyə" və yaxud "tarladan səngərə" prinsipi əsasında nəzarət altına götürülür. Qida məhsulları daşınan zaman soyuq halda gəlməli olan qida məhsulları "soyuq zəncir" prinsipi ilə, isti şəkildə gəlməli olan qidalarsa, xüsusi temperatur altında daşınmalıdır. Belə ki, isti qidalar hazırlandıqdan sonra, xüsusən də fast-food tipli qidalar 2 saat ərzində mütləq istehlak olunub bitirilməlidir. Bu fast-foodlarda soyuq qəlyənaltılara, yəni cold-starterlərə(səndviçlər, soyuq halda olan burgerlər, bükmələr) onlar isə 0 və müsbət 4 dərəcə temperatur aralığında çatdırılmalı, bəziləri tərkibi ilə əlaqədar olaraq 12 saat müddətinə qədər, bəziləri isə yenə 2 saat müddətinə qədər istehlak olunub bitirilməlidir"

Qida mütəxəssisi eyni zamanda sağlamlıq üçün potensial risk yarada bilən qida kateqoriyalarına diqqət çəkib:

"Bundan əlavə sağlamlıq riski nöqteyi-nəzərdən qatqı maddələri ilə daha çox əhatə olunmuş, yəni mənşəyi məlum olmayan qatqı maddələrindən gedir söhbət ,riskli qida məhsulu kateqoriyasına düşür. Eyni zamanda 0 və 5 dərəcə selsi temperatur aralığında soyuq halda daşınan qidalar "soyuq zəncir" prinsipinə əməl olunduğundan daha təhlükəsiz qidalar hesab olunur. Hazır qida məhsulları isə isti halda bişmiş qidalar, hansı ki ictimai iaşə sahəsində, şadlıq saraylarında, restoranlarda, kafelərdə verilən qidalar onlar 5 və 60 dərəcə selsi temperatur göstəricisi arasında qətiyyən qəbul olunmamalıdır. Bu beynəlxalq yanaşma ilə "danger zone" "təhlükə zonası" adlanan temperaturdur. Bu temperatur aralığında qida məhsulları baktereoloji çirklənməyə meyilli olurlar. İsti qidalar 70-75 dərəcə selsi yuxarısında təqdim olunmalı, servis olunmalıdır. Şorbalar, əsas yeməklər, qarnirlər və yenə 2 saat ərzində istehlakı bitirilməlidir"
Seymur Qafarov sonda onu da vurğulayıb ki , müəssisələrdə izlənmə sistemi ilə əlaqədar olaraq bu temperatur aralığında verilən qidaların hər saat başında minimum temperaturları ölçülüb qeydi aparılmalıdır. Bu bizə qidanın tərkibindəki temperatur vasitəsilə əmələ gələn dəyişikliklərə nəzarət etmək imkanı verəcəkdir - deyə o bildirib .

Lalə Məmmədova

Telegramda izləyin