Boşanma mərhələsində olan cütlük evlərində ölü tapıldı - VİDEO

Türkiyənin Karaman şəhərində övladlarının uzun müddət xəbər ala bilmədiyi boşanma mərhələsində olan cütlük evlərində ölü tapılıb. Hadisə zamanı mənzildə "Evdə sianid var, içəri girməyin" yazılmış qeyd və müxtəlif kimyəvi maddələr aşkarlanıb.

Sonxeber.az xarici mediaya istinadla xəbər verir ki, hadisə Zembilli Ali Əfəndi məhəlləsində yerləşən binanın üçüncü mərtəbəsində baş verib. 53 yaşlı Namık Özcan və 45 yaşlı həyat yoldaşı Fatma Özcan-dan xəbər ala bilməyən övladları polisə məlumat verib.

Ünvana gələn polis əməkdaşları qapının açılmaması və mənzildən kimyəvi qoxunun gəlməsi səbəbindən AFAD və yanğınsöndürmə xidmətindən kömək istəyib. Mənzilə daxil olan ekipajlar Namık Özcanı qonaq otağında, Fatma Özcanı isə yataq otağında ölü vəziyyətdə aşkar edib.

Təhlükəsizlik məqsədilə bina boşaldılıb. Mənzildə aparılan araşdırma zamanı "Evdə sianid var, içəri girməyin" yazılmış qeyd, həmçinin bərk sianid olduğu ehtimal edilən maddə və digər kimyəvi maddələr aşkarlanıb.

Xüsusi qoruyucu geyimdə olan AFAD əməkdaşları tərəfindən evdən çıxarılan cütlüyün meyitləri yarılma üçün Ankaradakı Ədli Tibb İnstitutuna göndərilib.

İlkin ehtimallara görə, polis Namık Özcanın həyat yoldaşını sianidlə öldürdükdən sonra intihar etmiş ola biləcəyini araşdırır. Lakin bu ehtimal hələ təsdiqlənməyib. Cütlüyün dəqiq ölüm səbəbi məhkəmə-tibbi ekspertizasının nəticələrindən sonra müəyyənləşəcək.

Telegramda izləyin