Apteklərdə yerli dərman dövrü başlayır? - İstehsalda kəskin artım

Apteklərdə yerli dərman dövrü başlayır? - İstehsalda kəskin artımAzərbaycanda dərman istehsalında nəzərəçarpacaq artım qeydə alınıb. 2026-cı ilin yanvar-avqust aylarında ölkədə 25.7 milyon manatlıq əczaçılıq məhsulu istehsal edilib ki, bu da ötən ilin eyni dövrü ilə müqayisədə 48.4 faiz çoxdur. İstehsalın əsas hissəsini dərman preparatları təşkil edib - səkkiz ayda 16 milyon 303.2 min manatlıq dərman hazırlanıb və bu istiqamətdə illik artım 59 faizə çatıb. Rəqəmlər yerli əczaçılıq sənayesində ciddi canlanmadan xəbər verir. Bəs bu artımın arxasında hansı amillər dayanır? Artım daha çox yeni istehsal güclərinin istifadəyə verilməsi, yoxsa artıq fəaliyyət göstərən müəssisələrin istehsalını genişləndirməsi ilə bağlıdır? Yerli istehsal olunan dərmanların çeşidi nə qədər genişlənib? İstehsal artımı ölkənin dərman təminatında hansı dəyişiklikləri yarada bilər?

Oxu.Az mövzu ilə bağlı "Kaspi" qəzetinin məqaləsini təqdim edir:

"Artımın arxasında investisiya siyasəti dayanır"

Milli Məclisin Səhiyyə komitəsinin üzvü Müşfiq Məmmədlinin sözlərinə görə, 2026-cı ilin ilk səkkiz ayında əczaçılıq sənayesindəki artım müsbət tendensiyadır: "Burada son illərdə həyata keçirilən ardıcıl sənaye və investisiya siyasətinin, yeni istehsal müəssisələrinin yaradılmasının, Pirallahı Sənaye Parkında əczaçılıq klasterinin formalaşdırılmasının və özəl investisiyaların cəlb edilməsinin mühüm rolu var. Xüsusilə yeni istehsal güclərinin istifadəyə verilməsi artıq real istehsal göstəricilərində özünü göstərməyə başlayır. Dövlətin strateji məqsədi də ölkənin dərman təminatında idxaldan asılılığını mərhələli şəkildə azaltmaq, keyfiyyətli dərmanların bir hissəsini Azərbaycanda istehsal etmək, əczaçılıq sahəsində yeni texnologiyaları tətbiq etmək və peşəkar kadr potensialı formalaşdırmaqdır. 48.4 faizlik artıma baxmayaraq, qarşıda mühüm vəzifələr qalır. Əsas məsələlərdən biri dərman istehsalında istifadə olunan xammal və aktiv farmasevtik inqrediyentlər üzrə xarici asılılığın azaldılmasıdır. Eyni zamanda, istehsalın yalnız son məhsul və qablaşdırma mərhələsi ilə məhdudlaşmaması, daha yüksək əlavə dəyər yaradan istehsal zəncirinin ölkə daxilində qurulması vacibdir".

M.Məmmədlinin fikrincə, növbəti mərhələdə yerli istehsalçılar üçün uzunmüddətli bazar təminatı, dövlət satınalmalarında keyfiyyət standartlarına cavab verən yerli məhsulların imkanlarının genişləndirilməsi, GMP standartlarının daha geniş tətbiqi, elmi-tədqiqat və istehsal əməkdaşlığının gücləndirilməsi, həmçinin ixrac bazarlarına çıxış xüsusi əhəmiyyət daşıyır: "Strateji hədəf Azərbaycan vətəndaşının keyfiyyətli, təhlükəsiz və münasib qiymətli dərman vasitələrinə davamlı çıxışını təmin edən, fövqəladə vəziyyətlərdə ölkənin dərman təhlükəsizliyini qoruyan və gələcəkdə regional bazarlara məhsul ixrac edə bilən milli əczaçılıq sənayesinin formalaşdırılması olmalıdır".

"Məhsul çeşidinin artması əsas amillərdəndir"

Azərbaycan Əczaçı Sahibkarlar Assosiasiyasının sədri Azər Xudiyevin fikrincə, 2026-cı ilin ilk səkkiz ayında əczaçılıq istehsalında müşahidə olunan artımın iki mühüm səbəbi var: "Birincisi, Azərbaycanda yerli istehsalçıların və istehsal olunan məhsulların sayı tədricən artır. İkincisi isə artıq fəaliyyət göstərən yerli istehsalçılar həm istehsal həcmlərini genişləndirir, həm məhsul portfellərini artırır, həm də daxili bazarda daha böyük pay əldə etməyə başlayırlar. Burada digər mühüm məqam istehsalın yalnız kəmiyyət baxımından deyil, texnoloji baxımdan da inkişaf etməsidir. Artıq Azərbaycanda daha yüksək texnologiya tələb edən və bazar dəyəri nisbətən yüksək olan dərman vasitələri də istehsal olunur. Bu məhsulların istehsalı ümumi əczaçılıq istehsalının pul ifadəsində artımına əhəmiyyətli təsir göstərir".

Azər Xudiyevin sözlərinə görə, ən vacib amil insanların yerli istehsala artan etimadıdır: "Əgər həkim, pasiyent və ümumilikdə cəmiyyət yerli istehsal olunan dərmanların keyfiyyətinə inanırsa, bu, sektorun uzunmüddətli inkişafı üçün ən güclü təməldir. Bu etimadı qorumaq üçün isə yerli istehsalçılar keyfiyyət standartlarını daim yüksəltməli və beynəlxalq tələblərə uyğun istehsalı prioritet hesab etməlidirlər. Qarşıdakı illərdə yerli istehsal olan dərmanların bazarımızdakı payının daha da artacağı gözlənilir. Yaxın dövrdə yeni molekulların və daha mürəkkəb dərman vasitələrinin yerli istehsalının başlanması və bazara çıxması gözlənilir. Buna görə də hazırkı artımı yalnız bir ilin statistik göstəricisi kimi deyil, daha uzunmüddətli sənaye inkişafının ilkin nəticələrindən biri kimi qiymətləndirmək olar".

Apteklərdə yerli dərman dövrü başlayır? - İstehsalda kəskin artım - Foto

"Məhsulların apteklərdə əlçatanlığı əsas problem olaraq qalır"

Azər Xudiyevin fikrincə, sektorun inkişafını sürətləndirmək üçün həll edilməli məsələlər də qalır: "Əsas problemlərdən biri distribusiya və yerli məhsulların apteklərdə əlçatanlığıdır. Yerli dərman istehsal etmək kifayət deyil - həmin məhsul ölkə üzrə apteklərdə pasiyent üçün real şəkildə əlçatan olmalıdır. Bu baxımdan, böyük distribusiya şirkətlərinin yerli istehsala daha fəal dəstək verməsi vacibdir. İstehsal olunan məhsulların bir qisminin anbarlarda qalması və reallaşdırılmaması müəyyən bürokratik səbəblərlə də bağlıdır. Digər mühüm istiqamət dövlət satınalmaları və tenderlərdir. Yerli istehsalın inkişafı ölkənin dərman təminatında idxaldan asılılığın tədricən azalmasına, təchizat təhlükəsizliyinin güclənməsinə, ölkə daxilində əlavə dəyərin və yeni iş yerlərinin yaradılmasına xidmət edə bilər. Buna görə dövlət satınalmalarında keyfiyyət, qiymət və təchizat imkanları nəzərə alınmaqla yerli istehsalın inkişafını təşviq edən mexanizmlərin daha da gücləndirilməsi faydalı olardı".


Sonxeber.az
Telegramda izləyin
Sosial   Baxılıb: 391   Tarix: 04 oktyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Ağdamın işğaldan azad olunmasından 6 il ötür

Bu gün - noyabrın 20-i Ağdam Şəhəri Günüdür. -ın xəbərinə görə, şəhərin erməni işğalçılarından təmizlənməsindən altı il ötür. Azərbaycanın Vətən müharibəsində qazandığı parlaq qələbə nəticəsində Ağdam bir güllə atılmadan düşmən tapdağından azad olunub. Belə ki, 2020-ci ilin sentyabrın 27-dən başlayara

20 noyabr
.

Jurnalistlər üçün müsabiqə elan edildi

Media və Yayım Şurası jurnalistlər üçün müsabiqə elan edib. xəbər verir ki, bu barədə Şura məlumat yayıb. Müsabiqədə iştirak etmək üçün müraciət və ona əlavə edilən sənədlər elektron formada mib. portalı vasitəsilə Media və Yayım Şurasına təqdim edilir. Jurnalist müsabiqənin elan olunduğu günədək so

20 noyabr
.

Aqressiv sərnişin avtobusda qorxu dolu anlar yaşatdı - Şüşəni sındırıb qaçdı - Video

Dünən paytaxtın Yasamal rayonu ərazisində xuliqanlıq hadisəsi baş verib. "Qafqazinfo" xəbər verir ki, naməlum şəxs 65 saylı müntəzəm marşrut xətti üzrə hərəkətdə olan 99-JP-013 dövlət qeydiyyat nişanlı avtobusun dayanacaqdan kənarda saxlanılmasını təlbə edib. Sürücü ona avtobusu qarşıdakı dayanacaqd

20 noyabr
.

Sabaha leysan gözlənilir - XƏBƏRDARLIQ

Bakıda və Abşeron yarımadasında noyabrın 20-si səhər bəzi yerlərdə arabir yağış yağacağı gözlənilir. Milli Hidrometeorologiya Xidmətindən -a verilən məlumata görə, yarımadanın ayrı-ayrı yerlərində yağışın qısamüddətli leysan xarakterli olacağı ehtimalı var. Noyabrın 20-si gecə və səhər Azərbaycanın bəz

19 noyabr
.

"Atlant"ın rəhbəri vəfat etdi

Nabranda yerləşən "Atlant" Ailəvi İstirahət Mərkəzinin rəhbəri Tahir Qədəşov vəfat edib. Bizim.media-ya istinadən xəbər verir ki, o, ürək çatışmazlığından dünyasını dəyişib. Bildirilib ki, Tahir Qədəşovun nəşi bu gün Bakıdan Qubaya gətiriləcək və mərhum ata yurdu İsnov kəndində dəfn olunacaq

20 noyabr
.

Çipsdən ağıllı saatlara qədər - Yeni vergilər qiymətləri artıracaq? - İQTİSADÇIDAN AÇIQLAMA

Azərbaycanda bir sıra məhsulların qiymətində artım gözlənilir. 2027-ci ildən çips və şirinləşdirilmiş mineral və qazlı içkilərə aksiz vergisinin tətbiqi, mobil rabitə şəbəkəsinə qoşularaq səsli əlaqəni təmin edən ağıllı saatların isə mobil cihaz kimi vergiyə cəlb olunması təklif edilir. Belə ki, layihəy

20 noyabr
.

Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA

Noyabrın 16-da Bakının Binəqədi rayonunda 23 yaşlı Gülara Mehdiyevanın qətlə yetirilməsi qadınlara qarşı zorakılıq və ailədaxili cinayətlərin qarşısının alınması məsələsini yenidən gündəmə gətirib. İlkin məlumatlara görə, gənc qadın ögey qardaşı tərəfindən bıçaqlanaraq öldürülüb. Şübhəli şəxs saxlanılı

19 noyabr
.

Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ

Azərbaycanda çıxarışı olmayan evlərin alqı-satqısı zamanı vətəndaşlar bir sıra hüquqi problemlərlə üzləşə bilərlər. Belə əmlaklar bəzən daha ucuz qiymətə təklif olunsa da, alıcı ödədiyi vəsaitə baxmayaraq, mülkiyyət hüququnu öz adına rəsmiləşdirə bilməyə bilər. Həmçinin evin qanunsuz tikilməsi, torpa

20 noyabr
.

Sabah hava necə olacaq?

Noyabrın 20-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin səhər bəzi yerlərdə yağış yağacağı gözlənilir. Güclü qərb, şimal-qərb küləyi, gündü

19 noyabr