"Koronavirus bitməyib, qrip mutasiya edir" - Xəbərdarlıq

"Koronavirus bitməyib, qrip mutasiya edir" - XəbərdarlıqPayız-qış mövsümündə respirator infeksiyaların artması artıq öyrəşdiyimiz situasiyadır. Ailədə, iş kollektivində və ya ətrafımızda bir neçə nəfərin eyni zamanda xəstələnməsini tez-tez müşahidə edirik.

Bəs virusların yayılmasını sürətləndirən əsas səbəblər nədir? İnsanlar niyə eyni vaxtda xəstələnirlər? Bu prosesin qarşısını almaq mümkündürmü?

Professor Adil Qeybulla mövzu ilə bağlı Oxu.Az-a danışıb.

O qeyd edib ki, son vaxtlar soyuqdəymə adlandırılan respirator xəstəliklər, o cümlədən nəfəs və yuxarı tənəffüs yolları infeksiyaları geniş yayılıb:

"Əslində, bu hal yeni deyil. Düzdür, pandemiya başa çatsa da, koronavirus hələ tam bitməyib. Qrip hər il yeni formada mutasiya edir və bizi qarşıda nə vaxtsa ciddi qrip pandemiyası da gözləyir. Bu, Ümumdünya Səhiyyə Təşkilatının proqnozudur.

Yəni yuxarı tənəffüs yolları vasitəsilə yayılan xəstəliklər sırasında koronavirus da artıq həyatımızdadır. Bundan başqa, adenoviruslar, rinoviruslar və digər viruslar da geniş yayılıb. Bu, həm Avropada, həm də ölkəmizdə müşahidə olunur".

Professor bildirib ki, xəstə insanların özlərini qorumaması və ətrafdakıları düşünməməsi virusların yayılmasını sürətləndirir:

"Ümumiyyətlə, bu məsələlərdə özümüzü qorumaq və başqalarını düşünməklə bağlı yanlış təsəvvür var. İnsanlar sağlamlıqlarına diqqət etmirlər, xəstələnirlər, immunitetləri zəifləyir və viruslar fəallaşır. Yaxud virusu başqalarından qəbul edib yayırıq.

Bəziləri maska taxmır, özlərini qorumur, asqıra-asqıra, öskürə-öskürə evdəkiləri xəstələndirirlər. Ailə üzvləri də iş yerlərində və digər məkanlarda başqalarına xəstəliyi ötürürlər. Yaxud xəstələnmiş adam özü işə gedir, asqırır, öskürür, digər iş yoldaşlarını da xəstələndirir. Biz bunun fərqində deyilik".

Adil Qeybulla bəzi ölkələrdə insanların xəstəlik zamanı ətrafdakıları qorumağa daha həssas yanaşdıqlarını vurğulayıb:

"Məsələn, yaponlar, xüsusilə xəstələnənlər payızda maska taxırlar. Həm özlərini qoruyur, həm də başqalarını qorumaq lazım olduğunu düşünürlər.

Nəzərə almaq lazımdır ki, xəstələnmiş adam heç nədən vəfat edə bilər. Yəni insan xəstədirsə və başqalarını düşünmürsə, özündən asılı olmayaraq, kiminsə ölümündə dolayısı ilə iştirakçı olar".

Professorun sözlərinə görə, hazırda yayılan infeksiyalar arasında adenovirusun daha çox olduğu ehtimal edilir, lakin koronavirus da dövriyyədə qalır:

"Koronavirusdan ölüm halları dünyada indiyə qədər də mövcuddur. Ona görə də düşünməliyik ki, qrip var, artıq mutasiya olunmuş formadadır. Mən düşünürəm ki, koronavirus pandemiyasından dərs çıxarmalıydıq. Amma bunları etmirik".

Adil Qeybulla fiziki aktivliyin artırılması, normal qidalanma və sağlam həyat tərzinin vacibliyini diqqətə çatdırıb:

"Heç kim immunitetinin möhkəmlənməsi ilə məşğul olmur. Hamı bir tikə çörək üçün səhər tezdən evdən işə, axşam işdən evə gedir. Fiziki aktivliyin artırılması, normal və sağlam qidalanma vacibdir. Sağlam qidalanma bahalı qidalanma demək deyil. Bu, meyvə, vitaminlər, mineralların daha çox qəbuludur. Xüsusilə gənclərin içdiyi rəngli, energetik içkilər və müxtəlif fastfudlar immun sistemini çox aşağı salır".


Sonxeber.az
Telegramda izləyin
Sağlamlıq   Baxılıb: 132   Tarix: 21 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Qonşunun məsləhəti sizi xəstə edə bilər! - ƏHALİYƏ XƏBƏRDARLIQ

Baş ağrıyır, aptekə gedirik, soyuqlayırıq, tanışdan eşitdiyimiz dərmanı alıb içirik. Bəzən qonşunun məsləhəti, bəzən qohumun tövsiyəsi, bəzən də sosial şəbəkələrdə oxuduğumuz məlumat bizi həkimə getmədən müalicəyə başlamağa sövq edir. "Filankəs içib, xeyrini görüb, mənə də kömək edər" deyi

1 noyabr
.

Gündə 4 qoz yemək orqanizmdə hansı dəyişikliklər yaradır?

Qoz faydalı yağlar, bitki mənşəli zülal, lif, vitamin və minerallarla zəngin çərəzlərdən biridir. Onun müntəzəm istehlakı ürək-damar sisteminin fəaliyyətini dəstəkləyə və gündəlik qidalanmanın keyfiyyətini yaxşılaşdıra bilər. Ölkə.az BB.LV saytına istinadən xəbər verir ki, gündə təxminən 4 bütöv qo

11 noyabr
.

Bakıda göbələk və qotur artıb: Həkim nələr danışdı? -VİDEO

Son vaxtlar Bakıda göbələk və qoturluqla bağlı həkimə müraciətlərin sayı xeyli artıb. xəbər verir ki, bu barədə dermatoloq Azər Şamilov "Künc-Bucaq" kanalının qonağı olarkən danışıb. Həkimin sözlərinə görə, dəri problemlərinin yaranmasında geyim seçimi də mühüm rol oynayır. Hətta bahalı geyimlə

15 noyabr
.

Ürək transplantasiyasının icbari tibbi sığorta hesabına icra edilməsi təklif olunub

Ürək transplantasiyası və gözün buynuz qişasının transplantasiyası əməliyyatlarının icbari tibbi sığortanın Xidmətlər Zərfinə daxil edilməsi vacibdir. "Report" xəbər verir ki, bunu Orqan Donorluğu və Transplantasiya üzrə Koordinasiya Mərkəzinin İdarə Heyətinin sədri Yeganə Abbasova Azərbaycand

1 noyabr
.

"Az-az, tez-tez yeyin" qaydası işə yaramır? - Araşdırma

Arıqlamaq və sağlam qalmaq istəyənlər arasında gün ərzində 5-6 dəfə az miqdarda qidalanmağın maddələr mübadiləsini sürətləndirdiyi fikri geniş yayılıb. Bəziləri isə gündə üç dəfə yeməyin daha faydalı olduğunu düşünür. Bəs elmi araşdırmalar hansı yanaşmanı dəstəkləyir? Tez-tez yemək həqiqətən arıqlamağ

19 noyabr
.

Sosial şəbəkələrdən uzun müddət istifadə depressiyaya səbəb ola bilər

Sosial şəbəkələrdə gündəlik keçirilən vaxt böyüklər arasında depressiya barədə məlumat verilməsi ilə əlaqəli əsas amillərdən biri kimi müəyyən edilib. Bu əlaqə ABŞ-da 11 il ərzində aparılan sorğularda müşahidə olunub. Qaynarinfo xəbər verir ki, araşdırma Şimal-Qərb Universiteti və Sinsinnati Universitetini

2 noyabr
.

İnfarkt və insult riskinin ən yüksək olduğu saatlar

Günün müəyyən saatlarında infarkt və insult keçirmə ehtimalı daha yüksək olur. Xüsusilə səhər saat 06:00-dan 09:00-dək ürək-damar ağırlaşmaları riski kəskin artır. Qaynarinfo xəbər verir ki, bu barədə Harvard Tibb Məktəbinin həkim-qastroenteroloqu Trişa Paşriça "The Washington Post" nəşrin

12 noyabr
.

Quru əriyin gizli təhlükələri - Açıqlandı

"Ərik qurusu (qaysı) lif, kalium və karotinoidlərlə zəngindir, lakin onun həddindən artıq istehlakı qarında köp, qurultu və diareyaya səbəb ola bilər". "Qafqazinfo" xəbər verir ki, bu barədə həkim-endokrinoloq Natalya Çadina xəbərdarlıq edib. Mütəxəssis qeyd edib ki, ərik qurusunu

20 noyabr
.

Səhər yeməyi üçün ən pis vaxt - Diyetoloqların cavabı

Səhər yeməyini günortadan sonraya saxlamaq sağlamlıq üçün arzuolunmaz nəticələrə səbəb ola bilər. Diyetoloqların fikrincə, günün ilk qida qəbulu üçün ən uyğun vaxt oyandıqdan sonrakı 1-2 saatdır. Qaynarinfo xəbər verir ki, bu barədə "EatingWell" nəşri diyetoloqların tövsiyələrinə istinadə

10 noyabr