Az maaşla çox pul yığmağın 9 yolu

"Business Insider" saytı iqtisadçılarla məsləhətləşərək əmək haqqı az olan insanların da pul yığa bilməsi üçün 9 üsul təklif edib.

Həmin üsulları təqdim edirik:
1. Tərsinə düşünün. Məsələn, kommunal xərcləri ödəməzdən əvvəl yığacağınız pulu ayırın. Sonra qalan pula xərclərinizi ödəyin.
2. 5 illik plan qurun. Yəni, növbəti 5 ildə pullarınızı nəyə xərcləyəcəyinizi müəyyənləşdirin. Ev almaq üçün ilkin ödəniş toplamaq, avtomobil almaq, istirahət üçün pul yığmaq və s. bunlar arasında ola bilər.
3. Özünüzə qadağalar qoyun. İstifadəsi vacib olmayan məhsullara çox pul xərcləməyin.
4. Dəbdəbəli həyat yaşamağa çalışmayın. Sadə bir həyat da sizi xoşbəxt edə bilər.
5. Təqaüdə çıxacağınız zamanı düşünüb hesablayın. Hələ kariyeranızın başında olsanız belə, vaxt elə tez keçəcək ki, bir də görəcəksiniz ki, yaşlanmısınız.
6. Büdcənizin hesabını tutun. Nəyə nə qədər xərclədiyinizi mütləq ora qeyd edin.
7. Kredit borclarınız varsa, bunları ödəmək öncəliyiniz olmalıdır.
8. Gəlirlərinizi artırın. Bunun üçün iqtisadçılar iki yol təklif edir: xərcləri azaltmaq, ya da daha çox pul yığmaq. Əgər əmək haqqınızın miqdarı pul yığmağa kifayət etmirsə, əlavə iş haqqında düşünməlisiniz.
9. Mütəxəssislərə müraciət edin. Əgər pulunuzu necə xərcləyəcəyinizi bilmirsinizsə, işi bilənindən öyrənmək ən yaxşısıdır.

Aysel Həsənova

Telegramda izləyin