Həkim olan şəhid Vüsal İsayevin bu gün anım günüdür - FOTO

44 günlük Vətən müharibəsinin başlanmasından artıq bir il ötür.

Sonxeber.az xəbər verir ki, bu müharibədə bizə öz canı bahasına qələbə bəxş edənlərdən biri də kiçik çavuş, sanitar-həkim İsayev Vüsal Firdovsi oğludur.

O, 1983-cü ildə Yevlax şəhərinin Xaldan kəndində anadan olub. Müxtəlif sahələrdə çalışsa da, Vətənə olan sevgisi 2014-cü ildə yenidən ordu sıralarında işləməyə sövq edib.

Talışkənd, Suqovuşan uğrunda gedən şiddətli döyüşlərdə yaralanan qəhraman, öz yaralarına baxmayaraq, bir neçə döyüşcülərə yardım edib, neçə canlar xilas edib.

Oktyabr ayının 5-də Vüsal qəhramancasına şəhidlik zirvəsinə ucalıb. Onun Vətənə əmanət iki övladı qalıb.

Ailəsinin dediyinə görə, neçə canlar xilas edib, özünə dərman ola bilməyən şəhidimizə "Vətən uğrunda", "Laçının azad olunmasına görə", "3-cü dərəcəli Vətənə xidmətə görə", "Suqovuşanın azad olunmasına görə" medalları ilə təltif olunub.

Allar rəhmət eləsin.

Zaira Akifqızı

Telegramda izləyin