Yaponiya sahillərində batan yük gəmisində 8 nəfər ölüb

Yaponiyanın cənub-qərbindəki Naqasaki əyaləti sahillərində batan Honq-Konq gəmisində 8 nəfər ölüb.

Sonxeber.az xəbər verir ki, Çinin Yaponiyanın Fukuoka şəhərindəki baş konsulu Lyu Quicun qəzada 6-sı Çin vətəndaşı olmaqla 8 nəfərin öldüyünü açıqlayıb.

Lyu bildirib ki, gəminin 30 ekipaj üzvündən 13-ü xilas edilib, 8 nəfərin cəsədi tapılıb.

Lyu itkin düşən 9 nəfərin tapılması üçün hər cür səy göstərilməsini tələb etdiklərini bildirib.

Baş konsul Lyu qəzada ölənlərin yaxınlarına başsağlığı verib, xilas edilən və yardım çatdıran 4 Çin vətəndaşını ziyarət etdiklərini qeyd edib.

Yaponiya Sahil Mühafizəsi bölgədə axtarış-xilasetmə fəaliyyətlərini davam etdirir.

Şəbnəm Lətifi

Telegramda izləyin